پاک فضائیہ کو دنیا کی بہترین فضائیہ بنانے کے لئے پرعزم ہیں، ائیر چیف مارشل سہیل امان

سرگودھا: پاک فضائیہ کے سربراہ ائیر چیف مارشل سہیل امان کا کہنا ہے کہ پاک فضائیہ کودنیا کی بہترین فضائیہ بنانےکے لئے پرعزم ہیں۔

ایکسپریس نیوز کے مطابق سرگودھا میں پاک فضائیہ کے سابق سربراہان اور اعلیٰ قیادت کے اعزازمیں تقریب سے خطاب کرتے ہوئے پاک فضائیہ کے سربراہ سہیل امان کا کہنا تھا کہ پاک فضائیہ نے وطن کے دفاع کے لئے ہمیشہ اہم کردار ادا کیا ہے لیکن موجودہ دورمیں فضائیہ کودرپیش چیلنجز بدل گئے ہیں، جن سے نمٹنے کے لئے پاک فضائیہ کو دنیا کی بہترین فضائیہ بنانے کے لئے پرعزم ہیں ۔