- ساحل پر گم ہوجانے والی ہیرے کی انگوٹھی معجزانہ طور پر مل گئی
- آئی ایم ایف بورڈ کا شیڈول جاری، پاکستان کا اقتصادی جائزہ شامل نہیں
- رشتہ سے انکار پر تیزاب پھینک کر قتل کرنے کے ملزم کو عمر قید کی سزا
- کراچی؛ دو بچے تالاب میں ڈوب کر جاں بحق
- ججوں کے خط کا معاملہ، اسلام آباد ہائیکورٹ نے تمام ججوں سے تجاویز طلب کرلیں
- خیبرپختونخوا میں بارشوں سے 36 افراد جاں بحق، 46 زخمی ہوئے، پی ڈی ایم اے
- انٹربینک میں ڈالر کی قدر میں تنزلی، اوپن مارکیٹ میں معمولی اضافہ
- سونے کے نرخ بڑھنے کا سلسلہ جاری، بدستور بلند ترین سطح پر
- گداگروں کے گروپوں کے درمیان حد بندی کا تنازع؛ بھیکاری عدالت پہنچ گئے
- سائنس دانوں کی سائبورگ کاکروچ کی آزمائش
- ٹائپ 2 ذیا بیطس مختلف قسم کے سرطان کے ساتھ جینیاتی تعلق رکھتی ہے، تحقیق
- وزیراعظم کا اماراتی صدر سے رابطہ، موسمیاتی تبدیلی سے نمٹنے کے لیے مشترکہ اقدامات پر زور
- پارلیمنٹ کی مسجد سے جوتے چوری کا معاملہ؛ اسپیکر قومی اسمبلی نے نوٹس لے لیا
- گزشتہ ہفتے 22 اشیا کی قیمتیں بڑھ گئیں، ادارہ شماریات
- محکمہ موسمیات کی کراچی میں اگلے تین روز موسم گرم و مرطوب رہنے کی پیش گوئی
- بھارت؛ انسٹاگرام ریل بنانے کی خطرناک کوشش نے 21 سالہ نوجوان کی جان لے لی
- قطر کے ایئرپورٹ نے ایک بار پھر دنیا کے بہترین ایئرپورٹ کا ایوارڈ جیت لیا
- اسرائیلی بمباری میں 6 ہزار ماؤں سمیت 10 ہزار خواتین ہلاک ہوچکی ہیں، اقوام متحدہ
- 14 دن کے اندر کے پی اسمبلی اجلاس بلانے اور نومنتخب ممبران سے حلف لینے کا حکم
- ایل ڈی اے نے 25 ہاﺅسنگ سوسائٹیوں کے پرمٹ اور مجوزہ لے آﺅٹ پلان منسوخ کردیے
سولر پاور پلانٹ ، تازہ ہوا کا جھونکا
دہشت گردی کے بعد پاکستان کا سب سے اہم ترین مسئلہ توانائی کا بحران ہے، بجلی وگیس کی برسوں سے جاری لوڈشیڈنگ کی وجہ سے عوام شدید اذیت وکرب کا شکار ہیں اور ملکی معیشت کا پہیہ رکا ہوا تھا ،موجودہ حکومت اس بحران کے خاتمے کے لیے متعدد منصوبوں پر کام کررہی ہے ،اس ضمن میں گزشتہ روز بہاولپور میں سولر پاور پلانٹ کی افتتاحی تقریب سے خطاب میں وزیراعظم نواز شریف نے کہا کہ 2018ء تک لوڈشیڈنگ ہمیشہ کے لیے ختم ہوجائے گی اور ملکی تاریخ میں پہلی مرتبہ جمہوریت ڈلیورکر رہی ہے۔
وزیراعظم نوازشریف نے جن خیالات کا اظہارکیا اس سے ایک بات تو واضح ہوتی ہے کہ وہ مسائل کو خلوص نیت سے حل کرنا چاہتے ہیں اور اس سلسلے میں دن رات کوششیں کررہے ہیں، بہرحال قوم کے لیے یہ بات بہت بڑی خوشخبری کی حیثیت رکھتی ہے کہ لوڈشیڈنگ کا مکمل خاتمہ آیندہ تین سال میں ہوجائے گا، لیکن سوال یہ ہے کیا مزید تین سال عوام کو اذیت اور کرب میں بسر کرنے ہوں گے کیونکہ تمام تر دعوؤں کے باوجود لوڈشیڈنگ کے دورانیے میں زیادہ کمی ملک بھر میں واقع نہیں ہوئی ہے ۔
حکومت نے تو تمام تر واجبات نجی پاورزکمپنیوں کو ادا بھی کیے ، سرکلر ڈیٹ کو بھی ختم کیا ، لیکن نہ جانے کیا گڑبڑ ہے کہ شارٹ فال کے نام پر بجلی فراہمی کے سلسلہ میں صاحبان اختیار نے عوام پر لوڈشیڈنگ کا عذاب مسلط کر رکھا ہے، اس ضمن میں پیداوار اور ضرورت و استعمال کے مکمل اعدادوشمار حکومت کے علم میں ہونے چاہئیں تاکہ عوام کو پریشانی نہ ہو ۔جس اہم منصوبے کا افتتاح وزیراعظم نے کیا اس پر پندرہ ارب روپے لاگت آئی ہے ، 100میگاواٹ کا پاکستان کا پہلا سولر پلانٹ آزمائشی بنیادوں پر قائم کیا گیا ہے ۔
توانائی کے دیگر منصوبوں کی تکمیل سے مزید 10ہزار 400 میگاواٹ بجلی پیدا ہوگی،ملکی معیشت کو اپنے قدموں پر کھڑا کرنے کے لیے موجودہ حکومت متعدد منصوبوں پر کام کررہی ہے، چند دن پیشتر چین سے بھی 46 ارب ڈالر کے معاہدوں پر دستخط ہوئے ہیں ، گوادر سے وسط ایشیا تک اقتصادی راہداری کی تکمیل سے پاکستان میں معاشی انقلاب آئے گا، موجودہ حکومت سڑکیں ،پل ،کراچی ،لاہور موٹروے ، میٹرو بسں سروس اور دیگر عوامی مفاد کے منصوبوں کو تکمیل تک پہنچا رہی ہے اس لیے وزیراعظم نے بجا فرمایا کہ ’جمہوریت ڈلیور کررہی ہے۔
امید ہے کہ تمام منصوبوں کوکرپشن کی دیمک سے بچا کر عوام کے لیے کارآمد اور مفید بنایا جائے گا، جس ملک میں کئی برس تک کوئی غیرملکی ٹیم آکر کرکٹ میچ کھیلنے پر تیار نہ ہو، اس ملک میں اربوں ڈالر کی غیرملکی سرمایہ کاری کو ملکی ترقی وخوشحالی کا نیا سفر قرار دیا جاسکتا ہے ، یقیناً اندھیرے چھٹ جائیں گے ۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔