- فیض آباد دھرنا: ٹی ایل پی سے معاہدہ پہلے ہوا وزیراعظم خاقان عباسی کو بعد میں دکھایا گیا، احسن اقبال
- کوئٹہ کراچی شاہراہ پر مسافر بس کو حادثہ، دو افراد جاں بحق اور 21 زخمی
- راولپنڈی؛ نازیبا و فحش حرکات کرکے خاتون کو ہراساں کرنے والا ملزم گرفتار
- حج فلائٹ آپریشن کا آغاز 9 مئی سے ہوگا
- کیویز کیخلاف سیریز سے قبل اعظم خان کو انجری نے گھیر لیا
- بجلی صارفین پرمزید بوجھ ڈالنے کی تیاری،قیمت میں 2 روپے94 پیسے اضافے کی درخواست
- اسرائیل کی رفح پر بمباری میں 5 بچوں سمیت11 افراد شہید؛ متعدد زخمی
- ٹرین سےگرنے والی خاتون کی موت،کانسٹیبل کا ملوث ہونا ثابت نہ ہوسکا، رپورٹ
- 'ایک ساتھ ہمارا پہلا میچ' علی یونس نے اہلیہ کیساتھ تصویر شیئر کردی
- بجلی چوری کارخانہ دار کرتا ہے عام صارف نہیں، پشاور ہائیکورٹ
- عدلیہ میں مداخلت کیخلاف اسلام آباد ہائیکورٹ بار کا سپریم کورٹ سے رجوع
- مہنگائی کے دباؤ میں کمی آئی اور شرح مبادلہ مستحکم ہے، وزیر خزانہ
- پی ٹی آئی کی جلسوں کی درخواست پر ڈی سی لاہور کو فیصلہ کرنے کا حکم
- بابراعظم سوشل میڈیا پر شاہین سے اختلافات کی خبروں پر "حیران"
- پنجاب اسمبلی سے چھلانگ لگاکر ملازم کی خودکشی کی کوشش
- 9 مئی کے ذمے دار آج ملکی مفاد پر حملہ کر رہے ہیں، وزیراطلاعات
- کراچی میں تیز بارش کا امکان ختم، سسٹم پنجاب اور کےپی کیطرف منتقل
- ’’کرکٹرز پر کوئی سختی نہیں کی! ڈریسنگ روم میں سونے سے روکا‘‘
- وزیرداخلہ کا غیرموثر، زائد المیعاد شناختی کارڈز پر جاری سمزبند کرنے کا حکم
- راولپنڈی اسلام آباد میں روٹی کی سرکاری قیمت پر نان بائیوں کی مکمل ہڑتال
سعودی عرب میں مسجد میں خود کش حملہ، 20 افراد جاں بحق اور متعدد زخمی
ریاض: سعودی عرب کے مشرقی صوبہ قطیف کی ایک شیعہ مسجد میں نماز جمعہ کے دوران خودکش دھماکے میں کم از کم20افراد جاں بحق اور درجنوں زخمی ہوگئے جنہیں زہرہ اور قطیف کے اسپتالوں میں منتقل کر دیا گیا ، بعض کی حالت تشویش ناک ہے جس سے ہلاکتوں میں اضافے کا خدشہ ظاہرکیا گیا ہے۔
سعودی میڈیا کے مطابق وزارت داخلہ کے حکام کاکہنا ہے کہ خودکش دھماکا مشرقی صوبے قطیف کے گاؤں قدیح میں واقع امام علی مسجد میں ہوا جہاں ایک خودکش حملہ آور نے نماز جمعہ کے دوران خود کو دھماکا خیز مواد سے اڑا لیا جس کے نتیجے میں متعدد افراد ہلاک اور زخمی ہوئے، عینی شاہدین کے مطابق مسجد میں150 نمازی موجودتھے ۔دھماکا اتنا شدید تھا کہ انسانی اعضا دور دور تک بکھر گئے اور ہر طرف خون پھیل گیا ، کم از کم20 افراد جاں بحق اور درجنوں زخمی ہوئے، دھماکے سے مسجد کو بھی شدید نقصان پہنچا۔
بی بی سی کے مطابق ایک نمازی کمال جعفر حسین نے بتایا ہے کہ ہم نے نماز کا پہلا حصہ مکمل کیا ہی تھا کہ ایک زودار دھماکے کی آواز سنائی دی اور چیخ و پکار مچ گئی۔قطیف کے سینٹرل اسپتال کے ایک ڈاکٹر نے بی بی سی کو بتایا ہے کہ ہلاک ہونے والے افراد کی تعداد10ہے جبکہ کم از کم70 زخمی ہیں جن میں بعض کی حالت تشویشناک ہے۔شہریوں سے خون دینے کی درخواست کی گی ہے۔
سعودی وزارت داخلہ کے ترجمان نے اپنے ایک بیان میں کہا کہ خود کش حملے کی تحقیقات کا آغاز کردیا گیا ہے ۔ترجمان نے اس واقعہ میں ہلاک و زخمیوں کی تعداد نہیں بتائی ، ترجمان کا کہنا تھا متعدد افراد ہلاک اور زخمی ہوئے ہیں۔ سعودی عرب کی سرکاری خبر رساں ایجنسی پر جاری کیے گئے ایک بیان کے مطابق سعودی حکام کا کہنا ہے کہ ’دہشت گردی کی اس واردات کے ذمے داران کی تلاش میں کوئی کسر نہیں چھوڑی جائے گی۔ سعودی مفتی اعظم نے واقعے کی مذمت کرتے ہوئے کہاہے کہ اس کامقصد عوام میں پھوٹ ڈالنا ہے،دریں اثنا سعودی عرب میں شدت پسند تنظیم دولتِ اسلامیہ کی شاخ (داعش) نے ایک بیان میں اس حملے کی ذمہ داری قبول کی ہے۔
ادھر اسلام آباد سے نمائندہ کے مطابق پاکستان نے سعودی عرب میں قدیح کے مقام پر مسجد میں دہشت گردوں کے حملے کی شدید مذمت کی ہے جس میں کئی افراد جاں بحق اور زخمی ہوئے ۔ دفتر خارجہ کے ترجمان قاضی خلیل اللہ نے ایک بیان میں کہا کہ پاکستان کی حکومت اور عوام اس دہشت گردی کے واقعہ میں جاں بحق ہونے والے افراد کے پسماندگان کے ساتھ دلی ہمدردی اور تعزیت کا اظہار کرتے ہیں جبکہ زخمیوں کی جلد صحت یابی کیلیے دعا گو ہیں۔ انھوں نے کہا کہ معصوم لوگوں کے خلاف اس بربریت پر مبنی حملے میں ہم سعودی عرب کے عوام کے دکھ میں برابرکے شریک ہیں۔ انھوں نے پاکستان کے اس عزم کا اعادہ کیا کہ دہشت گردی کی کسی بھی قسم کی ہم بھرپور مذمت کرتے ہیں۔
صدر مملکت ممنون حسین نے سعودی عرب میں مسجد میں دھماکے کی مذمت کرتے ہوئے سعودی فرماں روا شاہ سلمان بن عبدالعزیز سے تعزیت اور جانی و مالی نقصان پر گہرے رنج و غم کا اظہار کیاکیا ہے، ایوان صدر سے جاری ایک بیان کے مطابق صدر مملکت نے کہا کہ مشکل کی اس گھڑی میں پاکستان سعودی عرب کے ساتھ ہے۔ وزیراعظم میاں محمد نواز شریف نے سعودی عرب میں دہشگردی کی اس واردات کی سخت الفاظ میں مذمت کرتے ہوئے کہا کہ اسلام کے نام پر دہشت گر د انسانیت کو قتل کررہے ہیں ان کا اسلام سے کوئی واسطہ نہیں ہے اور نہ وہ مسلمان کہلانے کے لائق ہیں انھوں نے شہید ہونے والے افراد کیلیے نیک درجات کی بلندی اور زخمیوں کی جلد صحت یابی کیلیے دعا کی، اسلام آباد سے نمائندے کے مطابق جے یو آئی (ف) کے سربراہ مولانافضل الرحمن نے بھی سعودی عرب کے صوبے قطیف میں دہشت گردی کے واقعہ کی مذمت اور ہلاکتوں پرافسوس کا اظہار کیا ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔