بھارت میں قیامت خیز گرمی سے ہلاک افراد کی تعداد 1100 سے تجاوزکرگئی

ویب ڈیسک  منگل 26 مئ 2015
گرمی کی شدت سے بچنے کے لئے لوگ سر کو ڈھانپ کر باہر نکلیں، بھارتی محکمہ موسمیات کی ہدایت فوٹو:فائل

گرمی کی شدت سے بچنے کے لئے لوگ سر کو ڈھانپ کر باہر نکلیں، بھارتی محکمہ موسمیات کی ہدایت فوٹو:فائل

نئی دلی: بھارت کی مختلف ریاستوں میں شدید گرمی اور لو لگنے سے ہلاک ہونے والے افراد کی تعداد 1100 سے تجاوزکرگئی ہے جب کہ محمکہ موسمیات نے آئندہ دو روز تک گرمی کی لہر برقرار رہنے کی پیش گوئی کی ہے۔

بھارتی میڈیا کے مطابق گرمی کی شدت سے ریاست آندھرا پردیش سب سے زیادہ متاثر ہوئی جہاں852 افراد زندگی کی بازی ہارگئے جب کہ حیدرآباد دکن میں درجہ حرارت 50 ڈگری تک پہنچ جانے کے بعد گلیاں اور سڑکیں ویران پڑی ہیں۔ آندھرا پردیش کے بعد تیلنگانہ کی ریاست بھی شدید گرمی کی لپیٹ میں ہے جہاں اب تک 266 افراد لقمہ اجل بن چکے ہیں جب کہ  اڑیسہ میں 11 اور مغربی بنگال میں 13 افراد زندگی کی بازی ہار گئے۔

دوسری جانب بھارت محکمہ موسمیات نے لوگوں کو ہدایت کی ہے کہ وہ ضرورت کے تحت ہی گھروں سے نکلے اوراس دوران سروں کو کپڑے سے ڈھانپ کر رکھیں۔ محکمہ موسمیات کے مطابق آندھرا پردیش اور تیلنگانہ میں گرمی کی موجودہ لہرمزید 2 دن تک جاری رہنے کا امکان ہے جب کہ دونوں ریاستیں گرم ہواؤں کی لپیٹ میں رہیں گی.

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔