شاہ رخ اور عامر خان ساتھی اداکار دبنگ خان کے لیے میدان میں آگئے

ممبئی: بالی ووڈ کے کنگ شاہ رخ خان اور مسٹر پر فیکشنسٹ عامر خان دبنگ اسٹار سلمان خان  کی نئی فلم ’’بجرنگی بھائی جان‘‘ کی تشہیری مہم  کے سلسلے میں میدان میں آگئے ہیں۔

بھارتی میڈیا کے مطابق بالی ووڈ کے سپر اسٹار سلمان خان کی فلم ’’بجرنگی بھائی جان ‘‘ کا بخار ریلیز سے قبل ہی بھارتی فلم انڈسٹری پر سر چڑھ کر بول رہا ہے اور اسی بخار نے ماضی کے حریفوں شاہ رخ خان اور سلمان خان کو بھی قریب کردیا ہے۔  بالی ووڈ کے کنگ شاہ رخ خان نے دبنگ خان کی نئی فلم ’’بجرنگی بھائی جان‘‘ کا تشہیری پوسٹرٹویٹرپر پوسٹ کیا جب کہ اپنی ٹوئٹ میں ان کا کہنا تھا کہ ’’بھائی ہونا ہیرو ہونے سے زیادہ بڑھ کر ہے‘‘۔

I believe Being a brother is bigger than being a Hero. ‘Bhaijaan’ coming Eid 2015. How do u like the first look? pic.twitter.com/r1OZYLCVhX

— Shah Rukh Khan (@iamsrk) May 26, 2015

شاہ رخ خان کے بعد بالی ووڈ کے  مسٹر پرفیکشنسٹ عامر خان  نے بھی فلم’’بجرنگی بھائی جان‘‘ کا تشہیری پوسٹرٹویٹ کیا۔

Coming soon… pic.twitter.com/3GJqHv6drK

— Aamir Khan (@aamir_khan) May 26, 2015

تشہیری مہم میں حصہ لینے پربالی ووڈ کے دبنگ اسٹار سلمان خان نے اپنی ٹویٹ میں شاہ رخ خان اورعامر خان کا شکریہ اداکرتے ہوئے خوشی کا اظہار کیا۔

Thanking sharukh n amir for the 1st look of bajrangi bhaijaan. V touched n extremely happy . God's give them n thr fans all the happiness.

— Salman Khan (@BeingSalmanKhan) May 27, 2015