اپنی بلیوں کی دوری سے پریشان ہوجاتی ہوں،ٹیلر سوئفٹ

لاس اینجلس: پوپ اسٹار اورسٹائل آئیکون ٹیلر سوئفٹ لاکھوں دلوں پر راج کرتی ہیں اور اپنی ہنگامہ خیز زندگی سے بہت خوش ہیں لیکن کچھ ایسا ہے جو اتنی مصروف زندگی میں بھی ٹیلر سوئفٹ کو پریشان کردیتا ہے۔

ایک انٹرویو کے دوران اداکارہ کا کہنا ہے کہ مجھے جوپریشانی ستاتی ہے وہ نہ تو بیرون ملک کے لمبے لمبے دورے ہیں نہ ہی پے درپے کنسرٹس کی تھکن بلکہ میں تو اپنی بلیوں سے دوری کی بنا پریشان ہوجاتی ہوں۔ ٹیلرسوئفٹ کو اپنی دونوں بلیوں میریڈتھ گرے اور اولیویا بین سن سے بہت پیار ہے۔ وہ جب بھی ملک سے باہر جاتی ہیں سب سے زیادہ انھی کو مس کرتی ہیں اور انھی کے لیے فکرمند بھی رہتی ہیں۔