آنگ سان سوچی روہنگیا مسلمانوں کی مدد کریں، دلائی لامہ کی اپیل

دلائی لامہ کے بقول سوچی نے ان سے کہا ہے کہ یہ مسئلہ بہت پیچیدہ ہے اور اسے اتنی آسانی سے حل نہیں کیا جا سکتا۔

خبر ایجنسیاں جمعـء 29 مئ 2015

دلائی لامہ کے بقول سوچی نے ان سے کہا ہے کہ یہ مسئلہ بہت پیچیدہ ہے اور اسے اتنی آسانی سے حل نہیں کیا جا سکتا۔فوٹو : فائل

سڈنی: تبتیوں کے روحانی پیشوا دلائی لامہ نے میانمار میں روہنگیا اقلیت کو تحفظ فراہم کرنے پر زور دیا ہے۔

دلائی لامہ نے اپنے ایک بیان میں کہا کہ انھوں نے میانمار کی رہنما آنگ سان سوچی سے روہنگیا مسلمانوں کی مدد کرنے کے لیے کہا ہے، انھوں نے مزید بتایا کہ وہ 2 مرتبہ اس مسئلے پر سوچی سے بات کر چکے ہیں، جمعرات کو آسٹریلوی اخبار کو ایک انٹرویو میں کہا کہ سوچی سے میں نے ملاقات میں روہنگیا کے مسلمانوں کے مسائل حل کرنے پر توجہ دلائی ہے، دلائی لامہ کے بقول سوچی نے ان سے کہا ہے کہ یہ مسئلہ بہت پیچیدہ ہے اور اسے اتنی آسانی سے حل نہیں کیا جا سکتا۔