وزیراعلی پنجاب کا آٹھویں جماعت کی کتاب میں غلط نقشے چھاپنے کی تحقیقات کا حکم

ویب ڈیسک  جمعـء 26 جون 2015
اپوزیشن لیڈر میاں محمودالرشید نے آٹھویں جماعت کی جغرافیہ کی کتاب میں غلط نقشے چھاپنے کے خلاف قرارداد جمع کرا دی. فوٹو: فائل

اپوزیشن لیڈر میاں محمودالرشید نے آٹھویں جماعت کی جغرافیہ کی کتاب میں غلط نقشے چھاپنے کے خلاف قرارداد جمع کرا دی. فوٹو: فائل

لاہور: وزیراعلی پنجاب شہباز شریف نے آٹھویں جماعت کی جغرافیہ کی کتاب میں غلط نقشے چھپنے کا نوٹس لیتے ہوئے غلطی کی مکمل تحقیقات کا حکم دیا ہے۔

ایکسپریس نیوز کے مطابق وزیراعلی پنجاب نے نصابی کتاب میں غلطے نقشے چھپنے کا فوری نوٹس لیتے ہوئے صوبائی وزیرتعلیم اور سیکرٹری اسکولرز ایجوکیشن سے رپورٹ کرلی جب کہ وزیراعلی نے ہدایت کی آٹھویں جماعت کی کتاب میں غلط نقشے چھپنے پر ذمہ داروں کے خلاف کارروائی عمل میں لائی جائے۔

اس سے قبل گزشتہ روزاپوزیشن لیڈرمیاں محمود الرشید نے پنجاب ٹیکسٹ بک بورڈ کی نصابی کتاب میں غلطیوں کے خلاف قرارداد جمع کرائی جس میں نشاندہی کی گئی کہ آٹھویں جماعت کی جغرافیہ کی کتاب میں سرائیکستان اور صوبہ ہزارہ کا نقشہ شامل ہے اس کی وضاحت کی جائے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔