ودیا بالن چارلی چیپلن کا کردار نبھانے کی خواہش مند

ویب ڈیسک  اتوار 28 جون 2015
چارلی چیپلن کی بہت بڑی مداح ہوں،ودیا بالن فوٹو: فائل

چارلی چیپلن کی بہت بڑی مداح ہوں،ودیا بالن فوٹو: فائل

ممبئی: بالی ووڈ اداکارہ ودیا بالن نے چارلی چیپلن کا کردار ادا کرنے کی خواہش کا اظہار کیا ہے۔

ممبئی میں چارلی چیپلن کے اعزاز میں منعقدہ نمائش کے دوران میڈیا سے بات کرتے ہوئے ودیا بالن کا کہنا تھا کہ وہ چارلی چیپلن کی بہت بڑی مداح ہیں، انہیں مسٹرانڈیا میں سری دیوی کی جانب سے چارلی چیپلن کا کردار بہت پسند آیا تھا، جس نے ان کی زندگی پر گہرے اثرات مرتب کئے تھے۔ وہ بھی کسی فلم میں چارلی چیپلن کا کردار ادا کرنا چاہتی ہیں۔ اس کے علاوہ وہ چارلی چیپلن پرایک فلم بھی کرنا چاہتی ہیں۔

واضح ر ہے کہ اداکارہ بھارت کی سابق وزیراعظم اندرا گاندھی پربننے والی فلم میں مرکزی کردارادا کرنے والی ہیں جس کا سکرپٹ سونیا گاندھی کے دفترمنظوری کے لیے بھیجا جاچکا ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔