بلوچستان میں ریلوے کے پلوں اور سرنگوں کی انسپکشن کا فیصلہ

کوئٹہ: سانحہ گوجرانوالہ کے بعد بلوچستان میں ریلوے کے تمام پلوں اور سرنگوں کی انسپکشن کا فیصلہ کیا گیا ہے۔

ایکسپریس نیوز کے مطابق ڈی ایس ریلوے فیض محمد بگٹی نے گوجرانوالہ میں ٹرین حادثے کے بعد صوبے بھر میں ریلوے کے پلوں اور سرنگوں کی انسپکشن کا فیصلہ کیا ہے اور اس حوالے سے احکامات بھی جاری کردیئے گئے ہیں۔ بلوچستان میں ریلوے کی 34 سرنگوں اور متعدد پلوں پر لیویز کے ساتھ دیگر فورسز کے اہلکاروں کو تعینات کردیا گیا ہے تاکہ کوئی بھی ناخوشگوار واقعہ پیش نہ آئے۔

واضح رہے کہ گزشتہ روز گوجرانوالہ میں ہیڈ چناواں کے قریب پل ٹوٹنے کے باعث ٹرین کی 4 بوگیاں نہر میں گر گئی تھیں جس کے نتیجے میں 4 فوجی افسران سمیت 18 افراد جاں بحق ہو گئے تھے۔