راولپنڈی اور اسلام آباد میں موسلا دھار بارش، نشیبی آبادیوں کو محفوظ مقام پر منتقل ہونے کی ہدایت

ویب ڈیسک  منگل 21 جولائی 2015
 مون سون بارشوں کا سلسلہ آئندہ 4 روز تک جاری رہنے کا امکان ہے، محکمہ موسمیات فوٹو:فائل

مون سون بارشوں کا سلسلہ آئندہ 4 روز تک جاری رہنے کا امکان ہے، محکمہ موسمیات فوٹو:فائل

 اسلام آباد / راولپنڈی: جڑواں شہروں اور گردوں نواح میں موسلا دھار بارش کے باعث نشیبی علاقوں کی آبادیوں کو محفوظ مقام پر منتقل ہونے کی ہدایات جاری کردی گئی ہیں۔

ایکسپریس نیوز کے مطابق راولپنڈی اور اسلام آباد میں راولپنڈی اور اسلام آباد سمیت گردونواح کے علاقوں میں موسلا دھار بارشوں کے باعث نشیبی علاقے زیر آب آ گئے ہیں جس کے باعث شہریوں کو شدید مشکلات کا سامنا ہے۔ محکمہ موسمیات کے مطابق اسلام آباد میں 51.5 ملی میٹر جب کہ مری میں 37 اور پشاور میں 31 ملی میٹر بارش ریکارڈ کی گئی، محکمہ موسمیات کے مطابق مون سون بارشوں کا سلسلہ آئندہ 4 روز تک جاری رہنے کا امکان ہے جب کہ منگل سے جمعہ کے دوران کراچی میں بھی بارش کا بھی امکان ہے۔

ضلعی انتظامیہ کا کہنا ہے کہ نالہ لئی میں پانی کی صورتحال خطرے والی نہیں تاہم نشیبی آبادیوں کو احتیاطاً محفوظ مقامات پر منتقل ہونے کی ہدایت کر دی گئی ہے، نالہ لئی میں گوالمنڈی کے مقام پر پانی کی سطح 10.5 فٹ جب کہ کٹاریاں کے مقام پر 11.5 فٹ ہے جب کہ نالہ لئی میں پانی کی گنجائش 24فٹ ہے، 18 فٹ پر ایمرجنسی نافذ کی جائے گی۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔