بھارت میں غریب عورت کے اکاؤنٹ میں بینک نے کھربوں روپے جمع کرادیئے

ویب ڈیسک  اتوار 26 جولائی 2015
غریب ارمیلا کسی عدالتی بکھیڑوں میں نہیں پڑنا چاہتی ہیں:فوٹو فائل

غریب ارمیلا کسی عدالتی بکھیڑوں میں نہیں پڑنا چاہتی ہیں:فوٹو فائل

نئی دلی: دنیا بھرمیں بینکوں کئی جانب سے اپنے کھاتیداروں کوسہولیات بہم پہنچائی جاتی ہیں اوربعض اوقات وہ اپنے کھاتیدار کی ساکھ کو دیکھتے ہوئے خلاف ضابطہ مدد بھی کرتے ہیں لیکن بھارت میں ایک بینک نے اپنی غریب کھاتیدار کے اکاؤنٹ میں ناکافی رقم ہونے پر ہزاروں لاکھوں نہیں بلکہ کھربوں روپے ظاہرکردیئے۔

بھارتی میڈیا کے مطابق ریاست اترپردیش کے شہر کانپور کی ایک غریب عورت ارمیلا یادو نے اپنے اکاؤنٹ میں 2 ہزار روپے جمع کرائے تو وہ اس وقت حیران رہ گئی جب اس کے موبائل فون پر بینک کی جانب سے اسے اس کے اکاؤنٹ میں 9 لاکھ 99 ہزار 990 روپے کی موجودگی کا ایس ایم ایس موصول ہوا۔ بینک کا ایس ایم ایس دیکھ کر ارمیلا چکرا کررہ گئی اور اس نے فوری طور پتر اپنے ضامن سے بات کی جب اس نے بینک حکام سے بات کی تو ان کا جواب بھی بڑا انوکھا تھا، بینک حکام کا کہنا تھا کہ ارمیلا کے اکاؤنٹ میں رقم ناکافی تھی اس لئے بینک نے اس کے اکاؤنٹ میں فرضی رقم جمع کرائی ہے تاکہ اس کا کھاتہ بند نہ ہو۔ اس طرح بینک نے اس کے اکاؤنٹ میں 957 کھرب 11 ارب 69 کروڑ 86لاکھ 47 ہزار 130 روپے 14 پیسے ڈالے ۔

اس ساری صورت حال می غریب ارمیلا کا کہنا ہے کہ وہ کسی عدالتی بکھیڑوں میں نہیں پڑنا چاہتی وہ صرف اتنا چاہتی ہے کہ اس کے اکاؤنٹ میں اتنی ہی رقم واپس آجائے جتنی اس نے جمع کرائی ہے.

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔