حکومت 5 سال پورے کرے گی اور تحریک انصاف کو لٹکائے رکھے گی، بابراعوان

ویب ڈیسک  منگل 28 جولائی 2015
پارلیمنٹ میں ملکی مفاد کا کوئی کام نہیں ہوا اور عوام اس سے توقعات بھی نہ رکھیں، بابر اعوان فوٹو: فائل

پارلیمنٹ میں ملکی مفاد کا کوئی کام نہیں ہوا اور عوام اس سے توقعات بھی نہ رکھیں، بابر اعوان فوٹو: فائل

 اسلام آباد: پاکستان پیپلزپارٹی کے سینیٹربابراعوان نے کہا ہے کہ مسلم لیگ (ن) کی حکومت 5 سال پورے کرے گی اور پی ٹی آئی کو لٹکائے رکھے گی۔

اسلام آباد میں پارلیمنٹ ہاؤس کے باہرمیڈیا سے بات کرتے ہوئے بابراعوان نے کہا کہ پاکستان تحریک انصاف کے ارکان کو قومی اسمبلی میں ڈی سیٹ کرنے کا اختیار اسپیکر کے پاس ہے کہ وہ پی ٹی آئی کو ڈی سیٹ کریں یا نہ کریں، پارلیمنٹ میں ملکی مفاد کے حوالے سے کوئی کام نہیں ہوا اورعوام اس سے توقعات بھی نہ رکھیں، حکومت پانچ سال پورے کرے گی اور پی ٹی آئی کو لٹکائے رکھے گی، پارلیمنٹ میں جو کچھ ہوگا وہ سیاسی مفادات کے تحت ہو گا۔

بابراعوان نے کہا کہ بھارت کے شہر گورداس پور میں جو کچھ ہوا ہے اس میں سکھ علیحدگی پسند ملوث ہیں، بھارت سر پر کھڑا ہے مگر ہماری وزارت خارجہ سری پائے کھانے میں مصروف ہے، پاکستان کی سفارت کاری کمزور ہے کہ وہ بھارت کو موثر جواب نہیں دے سکا جو شرم کی بات ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔