- پختونخوا کابینہ؛ ایک ارب 15 کروڑ روپے کا عید پیکیج منظور
- اسلام آباد ہائیکورٹ نے پی ٹی آئی رہنما کو عمرے پرجانے کی اجازت دے دی
- وزیر اعظم نے مشترکہ مفادات کونسل کی تشکیل نو کر دی
- پنجاب گرمی کی لپیٹ میں، آج اور کل گرج چمک کیساتھ بارش کا امکان
- لاہور میں بچے کو زنجیر سے باندھ کر تشدد کرنے کی ویڈیو وائرل، ملزمان گرفتار
- پشاور؛ بس سے 2 ہزار کلو سے زیادہ مضر صحت گوشت و دیگر اشیا برآمد
- وزیراعلیٰ پنجاب نے نوازشریف کسان کارڈ کی منظوری دے دی
- بھارتی فوجی نے کلکتہ ایئرپورٹ پر خود کو گولی مار کر خودکشی کرلی
- چائلڈ میرج اور تعلیم کا حق
- بلوچستان؛ ایف آئی اے کا کریک ڈاؤن، بڑی تعداد میں جعلی ادویات برآمد
- قومی ٹیم کی کپتانی! حتمی فیصلہ آج متوقع
- پی ایس 80 دادو کے ضمنی انتخاب میں پی پی امیدوار بلامقابلہ کامیاب
- کپتان کی تبدیلی کیلئے چیئرمین پی سی بی کی زیر صدارت اہم اجلاس
- پاکستان کو کم از کم 3 سال کا نیا آئی ایم ایف پروگرام درکار ہے، وزیر خزانہ
- پاک آئرلینڈ ٹی20 سیریز؛ شیڈول کا اعلان ہوگیا
- برج خلیفہ کے رہائشیوں کیلیے سحر و افطار کے 3 مختلف اوقات
- روس کا جنگی طیارہ سمندر میں گر کر تباہ
- ہفتے میں دو بار ورزش بے خوابی کے خطرات کم کرسکتی ہے، تحقیق
- آسٹریلیا کے انوکھے دوستوں کی جوڑی ٹوٹ گئی
- ملکی وے کہکشاں کے درمیان موجود بلیک ہول کی نئی تصویر جاری
پاکستان کے خلاف بھارت کا نیا اسکرپٹ تیار؛ کراچی کی خاتون کو حراست میں لینے کا دعویٰ
نئی دلی: بھارت نے پاکستان کے خلاف نیا اسکرپٹ تیار کرلیا اور اس بار ایسی خاتون کو سامنے لایا گیا ہے جس کا کہنا ہے کہ اس کا تعلق کراچی سے ہے جو اپنے ماموں کے ساتھ سمجھوتہ ایکسپریس کے ذریعے جالندھر جانا چاہتی تھی جو اسٹیشن پر اسے چھوڑ گئے جب کہ ترجمان پاکستان رینجرز کا کہنا ہے کہ چندا نامی خاتون کے بھارت جانے کا کوئی ریکارڈ موجود نہیں۔
بھارتی میڈیا رپوٹس کے مطابق جالندھر پولیس نے جالندھر ریلوے اسٹیشن سے 35 سالہ چندا نامی خاتون کو حراست میں لیا ہے جس کے پاس پاسپورٹ اور ٹکٹ تک نہیں تھا جب کہ تلاشی کے دوران خاتون سے 700 روپے پاکستانی کرنسی اور کچھ دوائیاں برآمد ہوئی ہیں جب کہ خاتون کا کہنا ہے کہ وہ کراچی کی رہائشی ہے اور اپنے ماموں کے ہمراہ بھارت میں درگاہ پر حاضری دینے آئی تھی لیکن پچھلے اسٹیشن پر ان کے ماموں اترے اور واپس نہیں آئے۔ جی آر پی پولیس اسٹیشن کے ایس ایچ او بلدیو سنگھ رندھاوا کا کہنا ہے کہ خاتون کو مزید تفتیش کے لئے اٹاری ریلوے اسٹیشن واپس بھجوا دیا گیا ہے جہاں جی آر پی اٹاری معاملے کی تحقیقات کررہے ہیں۔
ایکسپریس نیوز نے ایس ایچ او جالندھر سے جب رابطہ کیا تو ان کا کہنا تھا کہ اٹاری اور جالندھر کے درمیان ٹرین رکتی ہی نہیں تو خاتون کے ماموں کہاں اترے جب کہ ایس ایچ او کا مزید کہنا تھا کہ امرتسر پولیس کے ذریعے چندا کو اٹاری بھجوا دیا گیا ہے لیکن واہگہ اور اٹاری امیگریشن حکام نے چندا نامی مسافر کی سمجھوتہ ایکسپریس میں موجودگی سے صاف انکارکردیا ہے۔ بھارتی حکام کی جانب سے مسافر چندا کا پتہ محلہ نہان سارنگی مسجد والی گلی بتایا گیا ہے لیکن کراچی میں اس قسم کا کوئی ایڈریس ہے ہی نہیں۔
اگرچندا نامی خاتون لاہورسے بغیردستاویزات کے بھارتی شہرجالندھر تک پہنچ گئی تو کیا اٹاری پراسے چیک نہیں کیا گیا اوراگر اٹاری اور جالندھر کے درمیان کوئی اسٹاپ نہیں تو تنہا خاتون بارڈر پارکرکے جالندھر تک کیسے پہنچی۔ دوسری جانب پاکستان رینجرز نے چندا نامی مسافرکی معلومات کے لئے بھارتی بارڈر سیکیورٹی سے رابطہ کیا جس کے بعد ترجمان رینجرز کا کہنا ہے کہ چندا نامی خاتون کے بھارت جانے کا کوئی ریکارڈ موجود نہیں ہے۔
واضح رہے کہ بھارتی حکام کی جانب سے پاکستان کو بدنام کرنے کے لئے جعلی ویڈیو اور جعلی تصاویر چلانا کوئی نئی بات نہیں لیکن اس بار ایک خاتون کو منظرعام پر لایا گیا ہے۔ اس سے قبل بھارتی میڈیا پرحال ہی میں چند جعلی تصاویر جاری کی گئی تھیں جس میں دعویٰ کیا گیا تھا کہ پاکستان کی حدود سے مشکوک کشتی نے بھارت میں داخلے کی کوشش کی جسے سمندر میں ہی اڑا دیا گیا اور ایک روز قبل بھی بھارتی میڈیا کی جانب سے اس قسم کی ایک اور بھونڈی ویڈیو چلائی گئی جس میں دعویٰ کیا گیا کہ بھارتی ضلع گورداس پور میں پولیس اسٹیشن پر حملہ کرنے والے 3 دہشت گرد پاکستانی حدود سے داخل ہوئے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔