- نارووال: بارات میں موبائل فونز سمیت قیمتی تحائف کی بارش
- کراچی کے مختلف علاقوں میں زلزلے کے جھٹکے
- کوئٹہ: برلن بڈی بیئر چوری کے خدشے کے پیش نظر متبادل جگہ منتقل
- گجرات میں اسپتال کی چھت گرنے سے خاتون سمیت تین افراد جاں بحق
- سعودی فرمانروا طبی معائنے کیلیے اسپتال میں داخل
- امریکی سیکریٹری اسٹیٹ سرکاری دورے پر چین پہنچ گئے
- ہم یہاں اچھی کرکٹ کھیلنے آئے ہیں، جیت سے اعتماد ملا، مائیکل بریسویل
- پچھلے میچ کی غلطیوں سے سیکھ کر سیریز جیتنے کی کوشش کرینگے، بابراعظم
- امریکا میں ٹک ٹاک پر پابندی کا بل سینیٹ سے بھی منظور
- محمد رضوان اور عرفان خان کو نیوزی لینڈ کے خلاف آخری دو میچز میں آرام دینے کا فیصلہ
- کے ایم سی کا ٹریفک مسائل کو حل کرنے کیلئے انسداد تجاوزات مہم کا فیصلہ
- موٹروے پولیس اہلکار کو روندنے والی خاتون گرفتار
- ہندو جیم خانہ کیس؛ آپ کو قبضہ کرنے نہیں دیں گے، چیف جسٹس کا رمیش کمار سے مکالمہ
- بشری بی بی کو کچھ ہوا تو حکومت اور فیصلہ سازوں کو معاف نہیں کریں گے، حلیم عادل شیخ
- متحدہ وفد کی احسن اقبال سے ملاقات، کراچی کے ترقیاتی منصوبوں پر تبادلہ خیال
- کراچی میں سیشن جج کے بیٹے قتل کی تحقیقات مکمل،متقول کا دوست قصوروار قرار
- غزہ کے اسپتالوں میں اجتماعی قبروں نے اقوام متحدہ کو بھی خوفزدہ کردیا
- ایکس کی اسمارٹ ٹی وی ایپ متعارف کرانے کی تیاری
- جوائن کرنے کے چند ماہ بعد ہی اکثر لوگ ملازمت کیوں چھوڑ دیتے ہیں؟
- لڑکی کا پیار جنون میں تبدیل، بوائے فرینڈ نے خوف کے مارے پولیس کو مطلع کردیا
پاکستان سے ہار؛ ملنگا نے قیادت چھوڑنے کا عندیہ دیدیا
کولمبو: پاکستان سے ہوم سیریز کے پہلے ٹوئنٹی 20 میں شکست پر سری لنکن فاسٹ بولر لسیتھ ملنگا نے ٹوئنٹی 20 ٹیم کی قیادت چھوڑنے کا عندیہ دے دیا، انھوں نے گرین شرٹس سے ملنے والی ناکامی پر خود کو ذمے دار گردانتے ہوئے کپتانی سے الگ ہونے کااشارہ دیا ہے۔
پاکستان نے جمعرات کو منعقدہ پہلے ٹی 20 میں عمدہ کھیل پیش کرتے ہوئے سری لنکا کو باآسانی 29رنز سے ہرادیا تھا، قومی ٹیم کو دو میچز کی سیریز میں 1-0 کی ناقابل شکست برتری مل گئی ہے، پاکستان سے شکست کے بعد ملنگا نے کہا کہ میں ذاتی طور پر اس ناکامی کی ذمے داری لیتا ہوں اور کپتان ہونے کے باوجود موجودہ کارکردگی کی وجہ سے اس وقت میری ٹیم میں جگہ خطرات سے دوچار ہے۔
واضح رہے کہ میچ میں ملنگا سری لنکا کے سب سے مہنگے بولر ثابت ہوئے، انھیں کوٹے کے 4 اوورز میں 46 رنز کی مار پڑی تھی جبکہ وہ صرف ایک وکٹ اپنے نام کرپائے تھے، انھوں نے اپنی ناقص فارم کا اعتراف کرتے ہوئے کہا کہ میں زیادہ اچھی بولنگ نہیں کر سکا، ٹی ٹوئنٹی میں ایک تجربہ کار بولر ہونے کے باوجود میں ٹیم کیلیے کچھ نہ کر سکا، دیگر تمام نوجوان باؤلر ہیں اور سیکھنے کے عمل سے گزر رہے ہیں۔
اگر ہمیں میچز جیتنے ہیں تو مجھے بہتر کارکردگی دکھانا ہو گی، انھوں نے مزید کہا کہ ٹیم میں مجھ سے بہتر بولر شامل ہوسکتا ہے، میں یہ معاملہ سلیکٹرز کو سونپتا ہوں، وہ مجھے کسی بھی وقت ٹیم سے نکال سکتے ہیں، اس بات سے کوئی فرق نہیں پڑتا آپ کون ہیں لیکن کسی کو بھی اس بات کی گارنٹی نہیں دی جا سکتی کہ آپ کتنے عرصے تک سری لنکا کی نمائندگی کریں گے۔
یاد رہے کہ گزشتہ سال انجری کے بعد ملنگا کی بولنگ رفتار میں کمی واقع ہوئی ہے جبکہ ان کی بولنگ میں پہلے جیسی کاٹ بھی برقرار نہیں رہی، اسی وجہ سے انھیں ون ڈے سیریز میں بھی واجبی کارکردگی پر پانچویں اور آخری مقابلے میں ڈراپ کردیا گیا تھا اور اب ٹوئنٹی 20 میں بھی ملنگا کوئی خاص پرفارمنس نہیں دے پائے، ٹی ٹوئنٹی کے اختتامی اوورز میں یارکر ملنگا کا سب سے کامیاب اور خطرناک ہتھیار رہا ہے لیکن اب ان کی یارکر دیکھنے میں نہیں آرہی۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔