- عمران خان کا چیف جسٹس کو خط ، پی ٹی آئی کو انصاف دینے کا مطالبہ
- پہلی بیوی کی اجازت کے بغیر دوسری شادی، شوہر کو تین ماہ قید کا حکم
- پشاور میں معمولی تکرار پر ایلیٹ فورس کا سب انسپکٹر قتل
- پنجاب میں 52 غیر رجسٹرڈ شیلٹر ہومز موجود، یتیم بچوں کا مستقبل سوالیہ نشان
- مودی کی انتخابی مہم کو دھچکا، ایلون مسک کا دورہ بھارت ملتوی
- بلوچستان کابینہ نے سرکاری سطح پر گندم خریداری کی منظوری دیدی
- ہتھیار کنٹرول کے دعویدارخود کئی ممالک کو ملٹری ٹیکنالوجی فراہمی میں استثنا دے چکے ہیں، پاکستان
- بشریٰ بی بی کا عدالتی حکم پر شفا انٹرنیشنل اسپتال میں طبی معائنہ
- ویمن ون ڈے سیریز؛ پاک ویسٹ انڈیز ٹیموں کا کراچی میں ٹریننگ سیشن
- محکمہ صحت پختونخوا نے بشریٰ بی بی کے طبی معائنے کی اجازت مانگ لی
- پختونخوا؛ طوفانی بارشوں میں 2 بچوں سمیت مزید 3 افراد جاں بحق، تعداد 46 ہوگئی
- امریکا کسی جارحانہ کارروائی میں ملوث نہیں، وزیر خارجہ
- پی آئی اے کا یورپی فلائٹ آپریشن کیلیے پیرس کو حب بنانے کا فیصلہ
- بیرون ملک ملازمت کی آڑ میں انسانی اسمگلنگ گینگ سرغنہ سمیت 4 ملزمان گرفتار
- پاکستان کےمیزائل پروگرام میں معاونت کا الزام، امریکا نے4 کمپنیوں پرپابندی لگا دی
- جرائم کی شرح میں اضافہ اور اداروں کی کارکردگی؟
- ضمنی انتخابات میں عوام کی سہولت کیلیے مانیٹرنگ اینڈ کنٹرول سینٹر قائم
- وزیرداخلہ سے ایرانی سفیر کی ملاقات، صدررئیسی کے دورے سے متعلق تبادلہ خیال
- پختونخوا؛ صحت کارڈ پر دوائیں نہ ملنے پر معطل کیے گئے 15 ڈاکٹرز بحال
- لاہور؛ پولیس مقابلے میں 2 ڈاکو مارے گئے، ایک اہل کار شہید دوسرا زخمی
صرف پنجاب پاکستان نہیں ملک کی ترقی کیلئے چاروں صوبوں کو مل کر کام کرنا ہوگا، شہباز شریف
لاہور: وزیراعلیٰ پنجاب شہباز شریف کا کہنا ہے اگر صرف پنجاب ہی پاکستان نہیں جب تک چاروں صوبے مل کر پاکستان کو آگے نہیں بڑھائیں گے تو ملک ترقی نہیں کرے گا۔
لاہور میں ایلیٹ فورس کے تیسرے دستے کی پاسنگ آؤٹ پریڈ کے موقع پر خطاب کرتے ہوئے شہباز شریف کا کہنا تھا کہ ہمارے بزرگوں نے قائد اعظم محمد علی جناح کی قیادت میں بے انتھک محنت اور قربانیوں کے بعد 1947 میں پاکستان جیسا عظیم تحفہ ہمیں لے کر دیا، ہمارے برزگوں یہ خواب تھا کہ اس ملک میں ہم کسی کی غلامی نہیں کریں گے اور ہر طرف انصاف کا بول بالا ہو گا، ہر ایک کو اس کی محنت کا صلہ ملے گا، سب کو میرٹ کی بنیاد پر ترقی کے مساوی مواقع ملیں گے اور اقوام عالم میں اس ملک کا ایک نام ہو گا لیکن 68 سال گزر جانے کے باجود قائد کا خواب ادھورا ہے اور قائد آج یہ دیکھ رہے ہیں کہ پاکستانیوں نے اس ملک کو کیا بنا دیا ہے۔ ان کا کہنا تھا کہ 14 اگست آنے والا ہے، ہر سال کی طرح ہم جھنڈے لہرائیں گے، بیجز لگائیں گے، تقاریب ہوں گی اور پھر اگلے روز ہم سب کچھ بھول جائیں گے، گزشتہ 68 سال تک یہ کھیل جاری ہے لیکن اب یہ نہیں ہو گا، اگر ہم نے اس ملک کو گرداب سے نکالنا ہے، غربت اور بے روز گاری کا خاتمہ کرنا ہے، نا انصافی اور ظلم و زیادتی ختم کرنی ہے اور پاکستان کو قائد اور اقبال کا پاکستان بنا کر اقوام عالم میں عزت کا مقام دلوانا ہے تو پھر ہمیں ہر محاذ پر محنت کرنا ہو گی اور قربانی دینا ہو گی، اگر اب بھی ہم پیچھے رہ گئے تو پھر قیامت تک ہم دھکے کھاتے رہیں گے اور بھکاری بنے رہیں گے۔
وزیراعلیٰ پنجاب نے کہا کہ فورسز دہشت گردی کے خلاف بہادری سے مقابلہ کر رہی ہیں اور آپریشن ضرب عضب میں ہمارے فوجی جوانوں نے دہشت گردوں کی کمر توڑ کر رکھ دی ہے، پنجاب میں سپاہی سے لے کر ٹیچر تک بھرتیاں میرٹ پر ہوتی ہیں لیکن صرف پنجاب پاکستان نہیں ہے، جب تک چاروں صوبے مل کر پاکستان کو آگے نہیں بڑھائیں گے تو پاکستان ترقی نہیں کرے گا۔ انھوں نے کہا کہ جہاں قومی ضروریات ہوں اور وطن کی مٹی پکار پکار کر قربانی کا تقاضہ کرتی ہے تو وہاں پر وسائل کی کمی کوئی کمی نہیں ہوتی، بس شرط یہ ہے کہ آپ کے اندر ایک جذبہ ہو، ایک نظریہ ہو، دور اندیشی ہو۔ اگر یہ تمام چیزیں مل جائیں تو مٹی بھی سونا بن جاتی ہے اور جن لوگوں کے پاس سونا ہو لیکن نیک نیتی اور نظریہ نہ ہو تو ان کا سونا بھی مٹی بن جاتا ہے۔ مجھے امید ہے کہ یہ جو فورس معرض وجود میں آئی ہے یہ صحیح معنوں میں قائد کے خواب کو پورا کرے گی اور اس ملک سے دہشت گردی کو ہمیشہ کے لئے دفن کرنے کے لئے اپنا کلیدی کردار ادا کرے گی، اگر ہم صحیح معنوں میں پاکستانی بن جائیں تو پھر ہمیں کسی چیز کی کمی کا سامنا نہیں کرنا پڑے گا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔