- قومی اسمبلی کمیٹیاں؛ حکومت اور اپوزیشن میں پاور شیئرنگ کا فریم ورک تیار
- ٹرین میں تاریں کاٹ کر تانبہ چوری کرنے والا شخص پکڑا گیا
- غزہ کے اسپتالوں میں اجتماعی قبریں، امریکا نے اسرائیل سے جواب طلب کرلیا
- وزارتِ صنعت و پیداوار نے یوریا کھاد درآمد کرنے کی سفارش کردی
- ٹی20 ورلڈکپ؛ 8 بار کے اولمپک گولڈ میڈلسٹ یوسین بولٹ سفیر نامزد
- کہوٹہ؛ بس میں ڈکیتی کے دوران ڈاکو کی فائرنگ سے سرکاری اہلکار جاں بحق
- نوجوان نسل قوم کا سرمایہ
- اسلام آباد میں روٹی کی قیمت میں کمی کا نوٹیفکیشن معطل
- کیا رضوان آئرلینڈ کیخلاف سیریز میں اسکواڈ کا حصہ ہوں گے؟ بابر نے بتادیا
- ویمنز کوالیفائر؛ آئی سی سی نے ثنامیر کو ’’برانڈ ایمبیسڈر‘‘ مقرر کردیا
- پی او بی ٹرسٹ عالمی سطح پر ساڑھے 3لاکھ افراد کی بینائی ضائع ہونے سے بچا چکا ہے
- ایف بی آر نے ایک آئی ٹی کمپنی کی ٹیکس ہیرا پھیری کا سراغ لگا لیا
- سیاسی نظریات کی نشان دہی کرنے والا اے آئی الگوردم
- خاتون ڈاکٹرز سے علاج کرانے والی خواتین میں موت کا خطرہ کم ہوتا ہے، تحقیق
- برطانیہ میں ایک فلیٹ اپنے انوکھے ڈیزائن کی وجہ سے وائرل
- فیصل واوڈا نے عدالتی نظام پر اہم سوالات اٹھا دیئے
- پاکستان کو آئی ایم ایف سے قرض کی نئی قسط 29 اپریل تک ملنے کا امکان
- امریکی اکیڈمی آف نیورولوجی نے پاکستانی پروفیسر کو ایڈووکیٹ آف دی ایئر ایوارڈ سے نواز دیا
- کوہلو میں خراب سیکیورٹی کے باعث ری پولنگ نہیں ہوسکی
- 9 ماہ کے دوران 9.8 ارب ڈالر کا قرض ملا، وزارت اقتصادی امور ڈویژن
مستقبل میں آنے والا شمسی طوفان دنیا میں خوفناک تباہی پھیلا دے گا، ماہرین فلکیات
لندن: جیسے جیسے گرمی کی شدت میں اضافہ ہورہا ہے اوردنیا بھرمیں درجہ حرارت کے بڑھنے کی وجہ سے ہزاروں لوگ موت کا شکار ہورہے ہیں ویسے ویسے سائنس دان اورماہرین فلکیات شمسی طوفان کے قریب آنے کا خدشہ ظاہر کررہے ہیں اور اب ایک نئی پیش گوئی میں اس خطرے کا اظہار کیا گیا ہے کہ مستقبل میں شمسی طوفان سے آگ کا ایک ایسا طوفان برپا ہوگا کہ جس سے صرف 12 گھنٹے میں دنیا ایک بڑی تباہی سے دوچار ہوگی۔
برطانوی سائنس دانوں اورماہرین فلکیات کا کہنا ہے کہ اس شمسی طوفان سے فضا میں بلند جہازگرجائیں گے، دوڑتی ٹرینیں ٹریک سے اترجائیں گی جب کہ دنیا بھرمیں بجلی کا نظام درہم برہم ہوجائے گا جس سے ہر طرف تاریکی چھا جائے گی اس کے علاوہ سیٹلائٹ ٹیکنالوجی کا نظام بھی تباہ ہو جائے گا جس کی وجہ سے انٹرنیٹ،موبائل سمیت دنیا بھر کا نیٹ سسٹم تباہ ہو گا اورایک اندازے کے مطابق کھربوں ڈالر کا نقصان ہوگا جو دنیا کو ایک بڑے معاشی بحران میں مبتلا کردے گا۔ کچھ ماہرین کا کہنا ہے کہ اگربجلی کے نظام کو فوری طور پر بحال نہ کیا گیا تو گلیوں اور سڑکوں پر افرا تفری اورانارکی پھوٹ پڑے گی۔
برطانوی حکومت نے سائنس دانوں کی اس پیش گوئی یعنی شسمی طوفان (سولر اسٹورم) کو بڑا خطرہ قرار نہیں دے رہی تاہم برطانوی کیبنٹ نے اس بات کا اعتراف کیا ہے کہ دنیا بہرحال اس تباہی کے لیے خود کو تیارنہیں کر سکتی کیوں کہ اگر واقعی یہ طوفان آتا ہے تو پھر 12 گھنٹے میں کسی بھی حفاظتی انتظام کے لیے ناکافی ہوں گے۔ ماہرین کے نزدیک طوفان کے نتیجے میں انتہائی بڑے پیمانے پر سورج سے توانائی کا اخراج ہوگا جس سے انتہائی طاقتور ایکس ریز اور تابکاری شعاعوں کا زمین کی طرف اخراج ہوگا جس سے دنیا بھر میں موجود جوہری پلانٹس اور ہتھیار تباہ ہوسکتے ہیں اور تباہی دوگنی ہوجائے گی۔
برطانوی ڈیپارٹمنٹ آف بزنس، انوویشن اینڈ اسکلز کی رپورٹ میں کہا گیا ہے کہ اس طرح کی قدرتی آفت کا آنا ممکن ہے تاہم جدید معاشرے اس المناک حادثے کے لیے تیار نہیں ہے۔ رپورٹ میں مزید کہا گیا ہے کہ شمسی طوفان کے دوران سورج سے نکلنے والے پلازما کی وجہ سے بڑے پیمانے پر تباہی ہوسکتی ہے تاہم اس طوفان کے وقت کی پیش گوئی کرنا مشکل ہے لیکن ہر 11 سال بعد اس کی طاقت میں اضافہ ہوجاتا ہے جب سورج اپنی مقناطیسی فیلڈ کو ریورس کرتا ہے۔
رپورٹ میں خبردارکیا گیا ہے کہ خطرناک بات یہ ہے کہ اس خوفناک خطرے کو سنجیدگی سے نہیں لیا جا رہا اور ضرورت اس بات کی ہے کہ اس سے متعلق سنجیدہ اقدامات کیے جائیں۔ ایک برطانوی کنسورشیم نے اس خطرے کے لیے خصوصی مشن کی تجویز دی ہے جو اس کے لیے وارننگ سسٹم قائم کرے گا اور یہ سسٹم طوفان سے 5 دن قبل کی وارننگ جاری کر سکے گا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔