یہ تاثرغلط ہے کہ آئی ایس آئی کے کہنے پر دھرنا دیا، عمران خان

ویب ڈیسک  اتوار 2 اگست 2015
پاکستان میں کرپشن عروج پرہے اور ہم اخلاقی طورپرتباہی کی طرف جارہےہیں، چیئرمین تحریک انصاف۔  فوٹو: فائل

پاکستان میں کرپشن عروج پرہے اور ہم اخلاقی طورپرتباہی کی طرف جارہےہیں، چیئرمین تحریک انصاف۔ فوٹو: فائل

 اسلام آباد: چیرمین تحریک انصاف عمران خان کا کہنا ہے کہ پارٹی کی سینٹرل ایگزیکٹیو کمیٹی نے دھرنے کا فیصلہ کیا تھا اور یہ تاثر غلط ہے کہ آئی ایس آئی کے کہنے پر دھرنا دیا۔

http://www.express.pk/wp-content/uploads/2015/08/q61.jpg

اسلام آباد میں پارٹی ورکرز کنونشن سے خطاب کرتے ہوئے عمران خان کا کہنا تھا کہ تحریک انصاف واحد سیاسی جماعت ہے جس سے تمام پارٹیاں خوفزدہ ہیں جس کی مثال حال ہی میں ہونے والے بلدیاتی انتخابات ہیں جس میں تمام جماعتوں نے مل کر تحریک انصاف کے خلاف الیکشن لڑا۔انہوں نے کہا کہ  دھرنے کے دوران ایسا بھی وقت آیا کہ لوگ غائب ہوگئے لیکن پھر واپس آ گئے،شاہ محمود قریشی سمیت دیگر سے پوچھ کر جہانگیرترین کو پارٹی کا سیکرٹری جنرل بنایا اب کیسے ممکن ہے کہ جن لوگوں نے مشکل وقت میں میرا ساتھ دیا انہیں چھوڑ دوں،پارٹی کے لیے کس نے کتنا کام کیا اس کا فیصلہ میں خود کروں گا۔

http://www.express.pk/wp-content/uploads/2015/08/q7.jpg

http://www.express.pk/wp-content/uploads/2015/08/imran-khan-speech.jpg

عمران خان کا کہنا تھا کہ پاکستان میں حقیقی سیاسی جماعت بنانا چاہتا تھا، میرے والدین غلام ملک میں پیدا ہوئے لیکن اب پاکستانی عوام خوش قسمت ہیں کہ وہ آزاد ملک میں پیدا ہوئے تاہم انگریزوں کے زمانے میں نظام اچھا تھا اورلوگوں کو انصاف ملتا تھا لیکن اب ملک میں سیاست کرپٹ کلچر بن چکا ہے جس کا مقصد اقتدار میں آکر پیسہ بنانا بن چکا ہے۔ انہوں نے کہا کہ پارٹی کے مسئلے پارٹی کے اندر حل ہونے چاہییں، 19 سال تک اپنے نظریے پر کوئی سمجھوتہ نہیں کیا تو اب کس طرح کر سکتا ہوں، پاکستان میں کرپشن عروج پرہے اور ہم اخلاقی طورپرتباہی کی طرف جارہےہیں۔

http://www.express.pk/wp-content/uploads/2015/08/q8.jpg

http://www.express.pk/wp-content/uploads/2015/08/jahangir-tareen.jpg

دوسری جانب تحریک انصاف کے نیشنل کونسل کے اجلاس کے بعد میڈیا سے بات کرتے ہوئے پارٹی کے سیکرٹری جنرل جہانگیر ترین کا کہنا تھا کہ  مجھے پارٹی  سے نكالنے كے حوالے سے پارٹی كے اندر ايك مہم چلائی جارہی تھی جو اب دم توڑ گئی ہے ،عمران خان نے پارٹی ميں قبضہ مافيا پربات كرنے پر ناراضگی كا اظہاركياہے، سياسی جماعتوں ميں  اختلافات ہوجاتے ہيں  ليكن اسے ميڈيا ميں   آ كر اس طرح اچھالنا غلط بات ہے۔ ان کا کہنا تھا کہ انٹرا پارٹی انتخابات عمران خان تسنيم درانی  سے 2 روز ميں  مشاورت كركے  فائنل كر ليں  گے، عمران خان تحريك انصاف كے نظرئيے كے محافظ ہيں۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔