آرمی چیف کو حکومت ، فوج اور پوری قوم کا مکمل اعتماد حاصل ہے، چوہدری نثار

اسلام آباد: وفاقی وزیرداخلہ چوہدری ی نثارعلی نے كہا ہے كہ موجودہ آرمی چیف كوحكومت ،فوج اور پوری قوم كا مكمل اعتماد حاصل ہے اور ایساممكن نہیں  ہے كہ چند افسران مل كرآرمی چیف كوبدل دیں۔

اسلام آباد میں نادراہیڈ كورٹرزمیں قومی شناختی كارڈ كی تجدید كے لیے آن لائن درخواست فارم سسٹم كا افتتاح كرنے كے بعد میڈیا سے بات كرتے ہوئے چوہدری نثار نے كہا كہ پاكستان اس وقت حالت جنگ میں ہے، ہمیں اپنی فوج كے ساتھ كھڑا ہوناچاہیے جب کہ موجودہ حالات میں  فوج یا آرمی چیف كے خلاف بے بنیاد خبریں اڑانے سے قبل میڈیا كواحتیاط كرنا چاہیئے۔

چوہدری نثار کا کہنا تھا کہ ایسی كوئی خبر درست نہیں کہ چند افسران سے مل كر آرمی چیف كو ہٹادیں، موجودہ آرمی چیف پرحكومت عوام اور فوج كو مكمل اعتماد ہے اورپوری قوم پاک فوج اوراس كے سربراہ كی پشت پركھڑی ہے۔ انہوں نے کہا کہ پاک فوج كی صلاحیتوں  كی پوری دنیا تعریف كرتی ہے كہ پاک فوج دنیا كی منظم اوربہترین فورس ہے اور پاكستان دنیا كا واحد ملک ہے جس كی فوج نے گوریلاوار میں كامیابی حاصل كی، ہماری فوج فائٹنگ فورس ہے اورملكی دفاع كی ضامن ہے، ہماری فوج نے دہشت گردوں كے خلاف جاری آپریشن ضرب عضب میں اپنی جانیں دے كر قوم كے خوش حال مستقبل كے لیے دہشت گردوں كامقابلہ كیا۔

وفاقی وزیر داخلہ نے کہا کہ فوج كے خلاف بیانات دینے والے ملک دشمن ایجنڈے پرعمل پیراہیں، ہم قوم كے ساتھ مل کر اندورونی بیرونی دشمنوں كے مذموم عزائم كو نا كام بنا دیں گے۔ انہوں نے کہا حكومت كی خواہش ہے نادرا ایک صاف اورشفاف ادارہ بنے اوركوشش ہے كہ اس میں كوئی كام چور آدمی نہ ہو، حكومت عوام كوقومی شناختی كارڈ كے حصول كے لیے زیادہ سے زیادہ سہولیات فراہم كرنے كے لیے كوشاں ہے، قومی شناختی كارڈ كی تجدید كے لیے آن لائن فارم سے عوام كوسہولت ملے گی اورلوگوں كو لائن میں كھڑے ہونے كی تكلیف برداشت نہیں كرنا پڑے گی، حكومت نادرا اور پاسپورٹ میں ٹریكنگ سسٹم متعارف كروانے جارہی ہے، عوام گھر بیٹھے شناختی كارڈ اور پاسپورٹ سے متعلق میسج كے ذریعے معلومات حاصل كرسكیں گے۔

چوہدری نثار کا کہنا تھا کہ تاریخ میں پہلی مرتبہ شناختی كارڈ بنوانے والے كو بائیو میٹرک كروانا ہوگا کیونکہ اس سے قبل ماضی میں ہزاروں كے حساب سے غیرملكیوں كو جعلی شناختی كارڈ جاری كئے گئے اور ہم نے 2 سال میں 92 ہزار جعلی شناختی كارڈ بلاک كئے، ہم نے نادرا كوماضی كی طرح بیت المال اور ہار خریدنے كے لیے استعمال نہیں كیا، پیپلزپارٹی كے آخری دور میں نادرا خسارے میں تھا، ہمارے دور میں نادرا کو 5 ارب روپے کا فائدہ ہوا اور آج نادرا وہی ادارہ ہے جس پر پاكستان فخر كرسكتا ہے۔