حیدر آباد میں فائرنگ سے 2 افراد قتل

حیدر آباد: لطیف آباد کے علاقے میں فائرنگ کر کے 2 افراد کو قتل کردیا گیا۔

ایکسپریس نیوز کے مطابق حیدر آباد کے علاقے لطیف آباد نمبر 9 میں 2 تاجر عرفان اور اعجاز گرمی کے باعث کے لئے گھر کے باہر بیٹھے تھے کہ نامعلوم افراد نے ان پر اندھا دھند فائرنگ کردی جس کے نتیجے میں دونوں افراد موقع پر ہی جاں بحق ہو گئے۔

امدادی ٹیموں کے اہلکاروں نے لاشوں کو پوسٹ مارٹم کے لئے بھٹائی اسپتال منتقل کیا جب کہ سیکیورٹی اہلکاروں نے واقعہ کا مقدمہ درج کر کے سرچ آپریشن کے دوران متعدد مشتبہ افراد کو حراست میں لے لیا ہے۔