کراچی کے مختلف علاقوں میں کارروائیوں کے دوران 17 ملزمان گرفتار، ترجمان رینجرز

 کراچی: ترجمان رینجرز کے مطابق شہر کے مختلف علاقوں میں کارروائیوں کے دوران 17 ملزمان کو گرفتار کرلیا گیا ہے۔

ترجمان سندھ رینجرز کے مطابق رینجرز نے ناتھا خان گوٹھ ،اتحاد ٹاؤن، جہانگیرروڈ اور لیاری کے مختلف علاقوں میں کارروائیاں کرتے ہوئے 17 ملزمان کو گرفتارکرلیا جب کہ گرفتار ملزمان میں کالعدم تنظیم سے تعلق رکھنے والے دہشت گرد اور گینگ وار کے کارندے بھی شامل ہیں۔ ترجمان کا کہنا ہے کہ گرفتار ملزمان  کے قبضے سے بڑی تعداد میں اسلحہ برآمد کیا گیا ہے جب کہ ملزمان سے مزید تفتیش کی جا رہی ہے۔