کراچی میں پولیس موبائل پر کریکر حملہ، ایس ایچ او سمیت 2 افراد زخمی

پولیس موبائل اسنیپ چیکنگ پر مامور تھی کہ نامعلوم افراد کی جانب سے کریکر سے حملہ کیا گیا

ویب ڈیسک جمعرات 27 اگست 2015

زخمی ہونے والے افراد کو قریبی اسپتال منتقل کردیا گیا ہے جہاں انہیں طبی امداد فراہم کی جارہی ہے، فوٹو : فائل

کراچی: بنارس چوک کے قریب پولیس موبائل پر کریکر حملے کے نتیجے میں ایس ایچ او سمیت 2 افراد زخمی ہوگئے۔

ایکسپریس نیوز کے مطابق کراچی کے علاقے بنارس چوک کے قریب پولیس کی اسنیپ چیکنگ جاری تھی کہ موٹر سائکل پر سوار نامعلوم افراد کی جانب سے پولیس موبائل پر کریکر سے حملہ کیا گیا جس کے نتیجے میں ایس ایچ او پیرآباد سمیت 2 افراد زخمی ہوگئے جنہیں طبی امداد کے لئے قریبی اسپتال منتقل کردیا گیا۔

پولیس موبائل پر کریکر حملے کے بعد علاقے میں پولیس کے بھاری نفری تعیانت کردی گئی اور حملہ آوروں کی تلاش کے لئے سرچ آپریشن شروع کردیا گیا ہے۔