شان کا بھارتی فلم ’’فینٹم‘‘ کی حمایت پر اداکارہ ماورا پر پابندی کا مطالبہ

لاہور: پاکستان کے نامور اداکار شان نے بھارتی فلم فینٹم کی حمایت کرنے پر اداکارہ ماورا حسین پر پابندی کا مطالبہ کیا ہے۔

ٹویٹر پر شان نے اداکارہ ماورا حسین کی جانب سے بھارت کی متنازع فلم فینٹم کی حمایت پر ان پر پابندی کا مطالبہ کیا ہے۔ ان کا کہنا تھا کہ کیا ہمیں پاکستان مخالف فلم کی حمایت کرنے والی اداکارہ پر پابندی نہیں لگا دینی چاہیئے۔

Should we banned actress like her who is supporting anti pakistani movie? #bannedphantom #bannedmawra http://t.co/EkTmqFCePP

— Shaan Shahid (@mshaanshahid) August 28, 2015

اداکارہ ماورا ہوحسین نے اپنے ٹویٹر پیغام  میں بھارتی فلم فینٹم کی حمایت کرتے ہوئے کہا تھا کہ بالی ووڈ فلم دہشت گردی کے خلاف ہے اور دہشت گرد کسی ملک کا نہیں بلکہ صرف دہشت گرد ہوتا ہے۔

ماورا حسین نے کہا کہ  فلم فینٹم ایک واقعے سے متعلق ہے جس میں انسانیت متاثر ہوتی ہے جب کہ اس فلم سے پاکستان یا بھارت متاثر نہیں ہوتا۔ ان کا کہنا تھا کہ فلم دیکھنا پسند کروں گی پھر اس کے اچھا یا برا ہونے سے متعلق فیصلہ کروں گی اور یہی ہر کسی کو کرنا چاہیئے۔