گوجر خان میں میاں بیوی اور بیٹی  قتل

ویب ڈیسک  پير 31 اگست 2015
تینوں کی لاشوں کو پوسٹ مارٹم کے لئے تحصیل ہیڈ کوارٹر اسپتال منتقل کر دیا گیا ہے. ڈی پی او فوٹو: فائل

تینوں کی لاشوں کو پوسٹ مارٹم کے لئے تحصیل ہیڈ کوارٹر اسپتال منتقل کر دیا گیا ہے. ڈی پی او فوٹو: فائل

گوجر خان: قصبہ چنگا میرا میں مسلح افراد نے لڑکی اور اس کے ماں باپ کو فائرنگ کر کے قتل کردیا۔

ایکسپریس نیوز کے مطابق گوجر خان کے قصبہ چنگا میرا میں نامعلوم افراد نے الطاف نامی شخص کے گھر میں گھس کر اندھا دھند فائرنگ کر دی جس کے نتیجے میں الطاف اس کی بیوی صدیقہ اور بیٹی صبیحہ جاں بحق ہو گئے۔ تینوں کی لاشوں کو پوسٹ مارٹم کے لئے تحصیل ہیڈ کوارٹر اسپتال منتقل کر دیا گیا ہے۔

واقعہ کے بعد ڈی ایس پی گوجر خان جائے حادثہ پر پہنچے اور اہلکاروں کو ملزمان کی فوری گرفتاری کا حکم دیا۔ ڈی ایس پی گوجر خان کا کہنا ہے کہ ابتدائی طور پر واقعہ رشتہ کا تنازع معلوم ہوتا ہے تاہم مکمل تحقیقات کے بعد ہی کسی حتمی نتیجے پر پہنچا جا سکتا ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔