بہاول نگر میں ٹرک کی رکشے کو ٹکر سے ٹیچر اور 5 بچے جاں بحق

وزیراعلیٰ پنجاب شہباز شریف نے واقعہ کا نوٹس لیتے ہوئے حکام سے رپورٹ طلب کر لی ہے۔

ویب ڈیسک پير 31 اگست 2015

وزیراعلیٰ پنجاب شہباز شریف نے واقعہ کا نوٹس لیتے ہوئے حکام سے رپورٹ طلب کر لی ہے۔ فوٹو: فائل

بہاول نگر: ہارون آباد میں ٹرک کی رکشے کو ٹکر کے نتیجے میں ٹیچر اور 5 بچے جاں بحق ہو گئے۔

ایکسپریس نیوز کے مطابق بہاول نگر کے علاقے ہارون آباد کے نواحی گاؤں 43 تھری آر میں ٹرک کی رکشے کو ٹکر کے نتیجے میں ٹیچر سمیت 5 بچے جاں بحق ہو گئے۔ امدادی ٹیموں کے اہلکاروں نے حادثے میں جاں بحق ہونے والے ٹیچر اور بچوں کو قریبی اسپتال منتقل کیا۔

دوسری جانب وزیراعلیٰ پنجاب شہباز شریف نے واقعہ کا نوٹس لیتے ہوئے حکام سے رپورٹ طلب کر لی ہے۔