جھلی نما پتلی جلد کے مرض میں مبتلا سب سے زیادہ دیر تک زندہ رہنے والی خاتون

آرکنساس: امریکا کی خاتون ایک انوکھے مرض میں مبتلا ہیں جن کی جلد عام انسانوں کے مقابلے میں 7 گنا زائد رفتار سے بڑھتی ہے لیکن عام جلد سے 10 گنا پتلی ہے جس کے باعث ان کی  لد کی نچلی تہہ ظاہر ہوجاتی ہے جو انتہائی گلابی رنگت کی حامل ہے۔

23 سالہ خاتون اسٹیفنی کے بال، پلکیں اور بھنویں اب نہیں اگتیں اوروہ اپنے سر کو وگ سے ڈھانپتی ہیں کیونکہ وہ ایک نایاب موروثی بیماری میں مبتلا ہیں جسے ہرکولین اچٹائیوسس کہتے ہیں اس بیماری کے سبب ڈاکٹروں نے ان کی پیدائش کے وقت انہیں چند روز کا مہمان قرار دیا تھا۔ حیرت انگیز بات یہ ہے کہ وہ دنیا میں اس مرض میں مبتلا پہلی خاتون ہیں جنہوں نے حال ہی میں ایک بچے کو جنم دیا ہے اور خوش قسمتی سے اس مرض کے ساتھ سب سے طویل عرصے تک زندہ رہنے والی خاتون ہیں۔

ڈاکٹروں کے مطابق ان کی جلد بہت حساس اور کچی ہے اور وہ بہت جلد جراثیم کی شکار ہوکر بیمار ہوسکتی ہیں ان کی جلد سے اکثر پیپ بہتی رہتی ہے اور حرارت بہت زیادہ محسوس ہوتی ہے یہ خاتون جراثیم سے بچنے کے لیے دنیا کی مہنگی ترین جراثیم کش کریمیں استعمال کرتی ہیں لیکن اس کے استعمال کے بعد ان کی جلد کھنچ کر پلاسٹک کی طرح دکھائی دیتی ہے۔