- وزیراعظم کا ٹیکس کیسز میں دانستہ التوا کا نوٹس؛ چیف کمشنر ان لینڈ ریونیو اسلام آباد معطل
- بلوچستان میں 24 تا 27 اپریل مزید بارشوں کی پیشگوئی، الرٹ جاری
- ازبکستان، پاکستان اور سعودی عرب کے مابین شراکت داری کا اہم معاہدہ
- پی آئی اے تنظیم نو میں سنگ میل حاصل، ایس ای سی پی میں انتظامات کی اسکیم منظور
- کراچی پورٹ کے بلک ٹرمینل اور 10برتھوں کی لیز سے آمدن کا آغاز
- اختلافی تحاریر میں اصلاح اور تجاویز بھی دیجیے
- عوام کو قومی اسمبلی میں پٹیشن دائر کرنیکی اجازت، پیپلز پارٹی بل لانے کیلیے تیار
- ریٹائرڈ کھلاڑیوں کو واپس کیوں لایا گیا؟ جواب آپکے سامنے ہے! سلمان بٹ کا طنز
- آئی ایم ایف کے وزیراعظم آفس افسروں کو 4 اضافی تنخواہوں، 24 ارب کی ضمنی گرانٹ پر اعتراضات
- وقت بدل رہا ہے۔۔۔ آپ بھی بدل جائیے!
- خواتین کی حیثیت بھی مرکزی ہے!
- 9 مئی کیسز؛ شیخ رشید کی بریت کی درخواستیں سماعت کیلیے منظور
- ’آزادی‘ یا ’ذمہ داری‘۔۔۔ یہ تعلق دو طرفہ ہے!
- ’’آپ کو ہمارے ہاں ضرور آنا ہے۔۔۔!‘‘
- رواں سال کپاس کی مقامی کاشت میں غیر معمولی کمی کا خدشہ
- مارچ میں کرنٹ اکاؤنٹ 619 ملین ڈالر کیساتھ سرپلس رہا
- کیویز سے اَپ سیٹ شکست؛ رمیز راجا بھی بول اٹھے
- آئی ایم ایف سے اسٹاف لیول معاہدہ جون یا جولائی میں ہونیکا امکان ہے، وزیر خزانہ
- ایرانی صدر ابراہیم رئیسی لاہور پہنچ گئے، مزار اقبال پر حاضری
- دعائیہ تقریب پر مقدمہ؛ علیمہ خان کی درخواستِ ضمانت پر فیصلہ محفوظ
ٹرن اوور ٹیکس کے خلاف ہڑتال جاری، پورٹس کے چوک ہونے کا خدشہ
کراچی: حکومت کی جانب سے سال2009 سے 8 فیصد ٹرن اوورٹیکس کے خلاف فریٹ فارورڈرز اور ایئرکارگوایجنٹس کی ہڑتال بدھ کو دوسرے دن بھی جاری رہی جس کے نتیجے میں ایئرپورٹس، سی پورٹس اور ڈرائی پورٹس کے ذریعے برآمدی سرگرمیاں معطل رہیں، دودن سے جاری ہڑتال سے ملکی برآمدات کی مد میں26 کروڑ ڈالرکا نقصان پہنچ گیاہے۔
ہڑتال کے سبب ٹیکسٹائل، ریڈی میڈگارمنٹس، ہوزری، لیدرسمیت جلد خراب ہونے والی مصنوعات کے برآمدکنندگان میں زبردست اضطراب کی لہردوڑ گئی ہے جبکہ کسٹمز کلیئرنگ ایجنٹس نے بھی اپنے کلائنٹس کی کلیئرنس کی سرگرمیاں متاثر ہونے کی نشاندہی کر دی ہے۔
حساس شعبے کی جاری ہڑتال کے باوجود حکومت کی جانب سے متعلقہ ایسوسی ایشنز کے رہنماؤں کے ساتھ بدھ کی شام تک کوئی رابطہ نہیں کیا گیا تاہم ٹریڈ سیکٹر کا کہنا ہے کہ مذکورہ ہڑتال اگر ایک ہفتے تک جاری رہی تو برآمدودرآمدکنندگان کو نہ صرف خطیراضافی بوجھ برداشت کرنا پڑے گا بلکہ پاکستانی مصنوعات کے بیرونی خریداراپنے برآمدی آرڈرز منسوخ کردیں گے، ساتھ ہی کراچی کی دونوں بندرگاہیں اور ٹرمینلز ہزاروں درآمدی کنٹینرز کی آمد کے سبب چوک ہوجائیں گی۔
پاکستان انٹرنیشنل فریٹ فارورڈرز ایسوسی ایشن کے چیئرمین عاصم سعید خان نے ’’ایکسپریس‘‘ سے بات چیت کرتے ہوئے کہا کہ جب تک حکومت غیرمنصفانہ 8 فیصد ٹرن اوور ٹیکس واپس لینے کا باضابطہ اعلان نہیں کرے گی ہڑتال جاری رہے گی۔ انہوں نے واضح کیا کہ اب وہ چیئرمین ایف بی آرکے رابطہ کرنے پر نہیں بلکہ وفاقی وزیرخزانہ یا وفاقی مشیرخزانہ کے براہ راست رابطہ کرنے کی صورت میں مذاکرات کریں گے۔
انہوں نے اراکین قومی اسمبلی اور سینیٹرز سے بھی مطالبہ کیا کہ وہ عوامی نمائندے ہونے کے ناطے اس غیرمنصفانہ ٹیکس کے خلاف اعلیٰ ایوانوں میں آواز بلند کریں کیونکہ اس ٹیکس کو نافذ کرکے پاک چائنا اکنامک کوریڈور کے منصوبے کو سبوتاژ کرنے کی کوشش کی جارہی ہے، مقامی وغیرملکی لاجسٹک کمپنیوں نے اکنامک کوریڈور کے منصوبے کے حوالے سے ٹرکنگ کے لیے517 ملین ڈالر کے معاہدے کیے ہیں لیکن حکومت ان معاہدوں پر شب خون مار رہی ہے۔
ایئرکارگوایجنٹس ایسوسی ایشن آف پاکستان کے چیئرمین محمد فرخ اقبال نے بتایا کہ کسی بھی حکومتی نمائندے نے رابطہ کرنا گوارا نہیں کیا،ہم نے ہڑتال کے خاتمے کو8 ٹرن اوورٹیکس کے خاتمے سے مشروط کردیا۔
دریں اثنا کراچی کسٹمز ایجنٹس ایسوسی ایشن کے سیکریٹری جنرل خرم اعجاز نے کہا ہے کہ اگرچہ ان کا اس ہڑتال سے نہ کوئی تعلق ہے اور نہ ہی وہ ہڑتال کی حمایت کرتے ہیں لیکن اس ہڑتال کی وجہ سے پورٹ اور ٹرمینلز پر کارگوکی نقل وحمل، درآمدی و برآمدی سرگرمیاں بری طرح متاثر ہورہی ہیں، ہڑتال اگرطول اختیار کرگئی تو چند دنوں کے بعد پورٹ اور ٹرمینلز جام ہوجائیں گی،حکومت مطالبات مان کرہڑتال ختم کرائے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔