- ایرانی صدر ابراہیم رئیسی کراچی پہنچ گئے، مزار قائد پر حاضری
- مثبت معاشی اشاریوں کے باوجود اسٹاک مارکیٹ میں مندی کا رجحان
- اسلام آبادہائیکورٹ کے فل کورٹ اجلاس میں خط لکھنے والے 6 ججوں کی بھی شرکت
- اقوام متحدہ کے ادارے پر حماس کی مدد کا اسرائیلی الزام جھوٹا نکلا
- نشے میں دھت مسافر نے ایئرہوسٹس پر مکے برسا دیئے؛ ویڈیو وائرل
- سعودیہ سے دیر لوئر آئی خاتون 22 سالہ نوجوان کے ساتھ لاپتا، تلاش شروع
- بیوی کی ناک اور کان کاٹنے والا سفاک ملزم ساتھی سمیت گرفتار
- پنجاب میں پہلے سے بیلٹ باکس بھرے ہوئے تھے، چیئرمین پی ٹی آئی
- ٹریفک وارڈنز لاہور نے ایمانداری کی ایک اور مثال قائم کر دی
- مسجد اقصی میں دنبے کی قربانی کی کوشش پر 13 یہودی گرفتار
- پنجاب کے ضمنی انتخابات میں پولیس نے مداخلت کی، عمران خان
- 190 ملین پاؤنڈز کیس؛ وکلا کی جرح مکمل، مزید 6 گواہوں کے بیان قلمبند
- حکومت تمام اخراجات ادھار لے کر پورا کررہی ہے، احسن اقبال
- لاپتا افراد کا معاملہ بہت پرانا ہے یہ عدالتی حکم پر راتوں رات حل نہیں ہوسکتا، وزرا
- ملائیشیا میں فوجی ہیلی کاپٹرز آپس میں ٹکرا گئے؛ 10 اہلکار ہلاک
- عالمی اور مقامی مارکیٹ میں سونے کی قیمت میں آج بھی بڑی کمی
- قومی ٹیم میں بیٹرز کی پوزیشن معمہ بن گئی
- نیشنل ایکشن پلان 2014 پر عملدرآمد کیلیے سپریم کورٹ میں درخواست دائر
- پختونخوا کابینہ میں بجٹ منظوری کیخلاف درخواست پر ایڈووکیٹ جنرل کو نوٹس
- وزیراعظم کا ٹیکس کیسز میں دانستہ التوا کا نوٹس؛ چیف کمشنر ان لینڈ ریونیو اسلام آباد معطل
کراچی پولیس کے اہلکار ایک بار پھردہشت گردوں کے نشانے پر
کراچی: شہر قائد میں پولیس اہلکارایک بار پھر دہشت گردوں کے نشانے پر آگئے جہاں ایک ہی روز میں فائرنگ کے واقعات میں 2 پولیس اہلکار جاں بحق جب کہ 2 ٹریفک پولیس اہلکار شدید زخمی ہوگئے۔
ایکسپریس نیوزکے مطابق شہر میں دہشت گردوں نے ایک بار پھر پولیس اہلکاروں کو نشانہ بنانے کا سلسلہ شروع کردیا ہے اور ایک ہی روز میں فائرنگ کے پے در پے واقعات میں 2 پولیس اہلکار جاں بحق اور 2 زخمی ہوگئے۔ فائرنگ کا پہلا واقعہ طارق روڈ پر واقع بہادر آباد چورنگی کے قریب پیش آیا جہاں نامعلوم مسلح ملزمان نے 2 پولیس اہلکاروں پر فائرنگ کردی جس کے نتیجے میں دونوں جاں بحق ہوگئے۔
پولیس کے مطابق دونوں اہلکار موٹرسائیکل پر گشت کررہے تھے کہ نامعلوم مسلح ملزمان نے انہیں فائرنگ کا نشانہ بنایا، دونوں اہلکاروں کو فوری طبی امداد کے لیے جناح اسپتال منتقل کیا گیا جہاں وہ جانبر نہ ہوسکے۔ ڈی ایس پی نیو ٹاؤن ناصر لودھی کے مطابق جاں بحق اہلکاروں کی شناخت ہیڈ کانسٹیبل عبدالغفار اور کانسٹیبل پرویز کے نام سے ہوئی اور دونوں نیو ٹاؤن پولیس اسٹیشن میں تعینات تھے۔ ناصر لودھی کا کہنا تھا کہ دونوں اہلکاروں کو پیچھے سے نشانہ بنایا گیا اور انہیں گردن اور کمر پر گولیاں لگیں۔
ڈی ایس پی ناصر لودھی کے مطابق جائے وقوعہ سے نائن ایم ایم پستول کی گولیوں کے خول ملے ہیں جب کہ علاقے میں لگے سی سی ٹی وی کیمروں کی فوٹیج بھی تحویل میں لے لی گئی ہے جس کے ابتدائی مشاہدے سے پتا چلتا ہے کہ ملزمان ایک موٹر سائیکل اور گاڑی پر سوار تھے تاہم فائرنگ موٹر سائیکل سوار ملزمان نے کی۔
دوسری جانب گولیمار میں بھی فائرنگ کے واقعے میں 2 ٹریفک اہلکار زخمی ہوگئے۔ پولیس کےمطابق ٹریفک اہلکار چن زیب اور مہدی زمان موٹرسائیکل پر ڈیوٹی پر جارہے تھے کہ اس دوران نامعلوم مسلح ملزمان نے انہیں فائرنگ کا نشانہ بنایا جس کے نتیجے میں دونوں اہلکار شدید زخمی ہوگئے اور انہیں طبی امداد کے لیے قریبی اسپتال منتقل کیا گیا۔ اسپتال ذرائع کے مطابق مہدی حسن کی حالت تشویشناک ہے تاہم چن زیب کو بلٹ پروف جیکٹ کی وجہ سے معمول زخم آئے۔
واضح رہے کہ شہر قائد میں رواں برس اب تک 67 پولیس اہلکار ٹارگٹ کلنگ کا شکار بن چکے ہیں۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔