- غیرمتعلقہ پاسپورٹ برآمد ہونے پر پی آئی اے کی ایئر ہوسٹس کینیڈا میں گرفتار
- اگلے ماہ مہنگائی کی شرح کم ہو کر 21 سے 22 فیصد کے درمیان رہنے کا امکان
- اقتصادی بحالی اور معاشی نمو کے لیے مشاورتی تھنک ٹینک کا قیام
- اے ڈی ایچ ڈی کی دوا قلبی صحت کے لیے نقصان دہ قرار
- آصفہ بھٹو زرداری بلامقابلہ رکن قومی اسمبلی منتخب
- پشاور: 32 سال قبل جرگے میں فائرنگ سے نو افراد کا قتل؛ مجرم کو 9 بار عمر قید کا حکم
- امیرِ طالبان کا خواتین کو سرعام سنگسار اور کوڑے مارنے کا اعلان
- ماحول میں تحلیل ہوکر ختم ہوجانے والی پلاسٹک کی نئی قسم
- کم وقت میں ایک لیٹر لیمو کا رس پی کر انوکھے ریکارڈ کی کوشش
- شام؛ ایئرپورٹ کے نزدیک اسرائیل کے فضائی حملوں میں 42 افراد جاں بحق
- انٹربینک اور اوپن مارکیٹ میں ڈالر کے مقابلے میں روپیہ مزید مضبوط
- پی ٹی آئی قانونی ٹیم کا چیف جسٹس اور جسٹس عامر فاروق سے استعفی کا مطالبہ
- اہم چیلنجز کا سامنا کرنے کیلیے امریکا پاکستان کے ساتھ کھڑا رہے گا، جوبائیڈن کا وزیراعظم کو خط
- عالمی اور مقامی مارکیٹوں میں سونے کی قیمت میں بڑا اضافہ ہوگیا
- اسٹاک مارکیٹ میں اتار چڑھاؤ کے بعد مندی، سرمایہ کاروں کے 17ارب ڈوب گئے
- پشاور بی آر ٹی؛ ٹھیکیداروں کے اکاؤنٹس منجمد، پلاٹس سیل کرنے کے احکامات جاری
- انصاف کے شعبے سے منسلک خواتین کے اعداد و شمار جاری
- 2 سر اور ایک دھڑ والی بہنوں کی امریکی فوجی سے شادی
- وزیراعظم نے سرکاری تقریبات میں پروٹوکول کیلیے سرخ قالین پر پابندی لگادی
- معیشت کی بہتری کیلیے سیاسی و انتظامی دباؤبرداشت نہیں کریں گے، وزیراعظم
فکسنگ کا شبہ، گال کرکٹ اسٹیڈیم کے کیوریٹرمعطل
کولمبو: سابق سری لنکن ٹیسٹ کرکٹر اور گال کرکٹ اسٹیڈیم کے موجودہ کیوریٹر جیا آنندا ورنا ویرا کو فکسنگ کے شبے میں معطل کردیا گیا۔
تفصیلات کے مطابق آئی سی سی اینٹی کرپشن یونٹ کے 2آفیشلزمیچ فکسنگ تحقیقات کے سلسلے میں گذشتہ روز کولمبو پہنچے، وہاں انھیں سابق کرکٹر اور گال اسٹیڈیم کے موجودہ کیوریٹر جیا آنندا ورنا ویرا سے پوچھ گچھ کرنا تھی مگر وہ طلب کرنے کے باوجود پیش نہیں ہوئے، جس پر آفیشلز کو خالی ہاتھ لوٹنا پڑا مگر جاتے ہوئے وہ سری لنکا بورڈ کو تحقیقات کے منطقی انجام تک پہنچنے تک ورناویرا کو معطل کرنے کی بھی ہدایت کرگئے۔ جس پر ایس ایل سی نے نہ صرف انھیں معطل کردیا بلکہ ان کا گال اسٹیڈیم میں داخلہ بھی بند کردیا جہاں پر وہ گذشتہ 20 برس سے بطور کیوریٹر کام کررہے ہیں۔
ویسٹ انڈیز کیخلاف 14 اکتوبر سے شروع ہونے والے پہلے ٹیسٹ کیلیے وکٹ کی تیاری کیلیے ہنگامی طور پر نیشنل کیوریٹر جاناکا سمپتھ کو گال بھیج دیا گیا ہے۔ رپورٹس کے مطابق جیا آنندا ورنا ویرا 2006 سے ہی آئی سی سی کے مشکوک افراد کی فہرست میں شامل ہیں، جب ان کا نام سری لنکا بورڈ کی جانب سے 2009 میں کھیل کی خدمت کرنے والے خصوصی رضاکاروں کی لسٹ میں شامل کیا گیا تب بھی آئی سی سی نے نہ صرف اعتراض کیا بلکہ انھیں میڈل لسٹ سے ڈراپ بھی کردیا گیا تھا۔
یہ بھی معلوم ہوا ہے کہ کونسل کی جانب سے انھیں سری لنکا کرکٹ کی موجودہ عبوری کمیٹی میں شامل کیے جانے پر بھی اعتراض کیا گیا جس پر گذشتہ ہفتے ان سے استعفیٰ لے لیا گیا تھا۔ یہ معلوم نہیں ہوسکا کہ اینٹی کرپشن یونٹ کو ان کے کس معاملے میں ملوث ہونے کا شبہ ہے اور کن ٹیموں کے درمیان فکسنگ کی تحقیقات کی جارہی ہیں۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔