- موٹر وے پولیس کی کارروائی، کروڑوں روپے مالیت کی منشیات برآمد
- شمالی کوریا کا کروز میزائل لیجانے والے غیرمعمولی طورپربڑے وارہیڈ کا تجربہ
- پاکستان اور نیوزی لینڈ کے درمیان دوسرا ٹی20 آج کھیلا جائے گا
- بابر کو ماضی کی غلطیوں سے سبق سیکھنے کا مشورہ
- موبائل فون صارفین کی تعداد میں 37 لاکھ کی ریکارڈ کمی
- گیلپ پاکستان سروے، 84 فیصد عوام ٹیکس دینے کے حامی
- ایکسپورٹ فیسیلی ٹیشن اسکیم کے غلط استعمال پر 10کروڑ روپے جرمانہ
- معیشت2047 تک 3 ٹریلین ڈالر تک بڑھنے کی صلاحیت رکھتی ہے، وزیر خزانہ
- پٹرولیم ایکسپلوریشن اینڈ پروڈکشن کمپنیوں نے سبسڈی مانگ لی
- پاکستان کی سعودی سرمایہ کاروں کو 14 سے 50 فیصد تک منافع کی یقین دہانی
- مشرق وسطیٰ کی بگڑتی صورتحال، عالمی منڈی میں خام تیل 3 ڈالر بیرل تک مہنگا
- انٹرنیشنل کرکٹ میں واپسی پر محمد عامر کے ڈیبیو جیسے احساسات
- کُتا دُم کیوں ہلاتا ہے؟ سائنسدانوں کے نزدیک اب بھی ایک معمہ
- بھیڑوں میں آپس کی لڑائی روکنے کیلئے انوکھا طریقہ متعارف
- خواتین کو پیش آنے والے ماہواری کے عمومی مسائل، وجوہات اور علاج
- وزیر خزانہ کی چینی ہم منصب سے ملاقات، سی پیک کے دوسرے مرحلے میں تیزی لانے پر اتفاق
- پولیس سرپرستی میں اسمگلنگ کی کوشش؛ سندھ کے سابق وزیر کی گاڑی سے اسلحہ برآمد
- ساحل پر گم ہوجانے والی ہیرے کی انگوٹھی معجزانہ طور پر مل گئی
- آئی ایم ایف بورڈ کا شیڈول جاری، پاکستان کا اقتصادی جائزہ شامل نہیں
- رشتہ سے انکار پر تیزاب پھینک کر قتل کرنے کے ملزم کو عمر قید کی سزا
ایم کیوایم اراکین پارلیمنٹ کا استعفے واپس لینے کا اعلان
اسلام آباد: متحدہ قومی موومنٹ نے حکومت سے کامیاب مذاکرات کے بعد اراکین پارلیمنٹ کے استعفے واپس لینے کا اعلان کیاہے۔
ایکسپریس نیوز کے مطابق حکومت اور ایم کیو ایم کے وفد کے درمیان پنجاب ہاؤس میں مذاکراتی عمل ہوا جس میں حکومت کی جانب سے وفاقی وزیرخزانہ اسحاق ڈار اور وزیراطلاعات پرویز رشید موجود تھے۔ اس موقع پر فاروق ستار کی قیادت میں ایم کیو ایم وفد نے اپنے تحفظات سے متعلق حکومتی ٹیم کو آگاہ کیا جب کہ حکومت نے یقین دلایا کہ کراچی میں جاری ٹارگٹڈ آپریشن پر فیکٹس فائنڈنگ کمیٹی تشکیل دے دی جائے گی جو ایم کیو ایم کی شکایات کا جائزہ لے گی۔
ذرائع کا کہنا ہے کہ ایم کیو ایم اور حکومت کے درمیان طے پانے والے معاہدہ کو تحریری شکل دی جائے گی جس پرحکومت کی جانب سے وفاقی وزیرخزانہ اسحاق ڈار اور ایم کیو ایم کی جانب سے فاروق ستار دستخط کریں گے اور شکایات ازالہ کمیٹی آئندہ 7 روز کے دوران قائم کردی جائے گی۔ ذرائع کا کہنا ہے کہ شکایات ازالہ کمیٹی 5 نمائندوں پر مشتمل ہوگی جس میں وفاق کی جانب سے سیکرٹری داخلہ اور حکومت اور ایم کیو ایم کے 2،2 نمائندے شامل ہوں گے۔
دوسری جانب اسلام آباد میں پریس کانفرنس کرتے ہوئے وزیر خزانہ اسحاق ڈار کا کہنا تھا کہ ایم کیو ایم سیاسی جماعت ہے جس نے پارلیمنٹ اور سندھ میں کردار اداکیا اس سے کسی کو انکار نہیں ہے جب کہ ایم کیو ایم کی شکایات کے ازالے کے لیے کمیٹی قائم کی جائے گی جس کے 5 رکن ہوں گے۔ انہوں نے کہا کہ کمیٹی 90 دن میں شکایات کا ازالہ کرے گی اور جلد ازجلد اپنا کام شروع کرے گی جب کہ ایم کیوایم اراکان اپنے استعفے پیر کو سینیٹ سے واپس لے لیں گے اور قومی اسمبلی سے بھی ایم کیو ایم اراکین جلد استعفے واپس لے لیں گے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔