شاہ رخ نے ماہرہ خان کے ساتھ اپنی جوڑی کو بہترین قرار دے دیا

ممبئی: بالی ووڈ کنگ شاہ رخ خان نے پاکستانی اداکارہ ماہرہ خان  کے ساتھ فلم’’رئیس‘‘میں اپنی جوڑی کو بہترین قرار دے دیا۔

پاکستانی ڈراموں میں اداکاری کے بعد بالی ووڈ میں قدم رکھنی والی اداکارہ ماہرہ خان کنگ شاہ رخ خان کے ساتھ فلم ’’رئیس‘‘ سے اپنے فلمی کیرئیر کا آغاز کررہی ہیں جب کہ اداکار شاہ رخ خان اپنی نئی آنے والی فلم ’’دل والے‘‘ کی شوٹنگ میں مصروف ہیں جس میں اداکارہ کاجول مرکزی کردار نبھائیں گی۔

@iamsrk Uffff!You both, Uff!

— Mahira Khan (@TheMahiraKhan) October 7, 2015

کنگ خان نے فلم کی شوٹنگ کے دوران کاجول سے رومانس کرتے ہوئے تصویر ٹوئٹر پر شیئر کی تو پاکستانی اداکارہ ماہرہ خان نے تصویر کو سراہتے ہوئے دونوں اداکاروں کی تعریف کی جس پرکنگ خان کا ٹوئٹ پیغام میں کہنا کہ ہم بھی فلم’’رئیس‘‘ میں ایک ساتھ بہترین لگیں گے۔

@TheMahiraKhan just saw your tweet. ‘Uff’ we will look good in Raees too. Hope all is well with you and family.

— Shah Rukh Khan (@iamsrk) October 9, 2015

واضح رہے کہ فلم’’رئیس‘‘اگلے برس دیوالی کے موقع پر ریلیز کی جائے گی۔