- کراچی میں ایرانی خاتون اول کی کتاب کی رونمائی، تقریب میں آصفہ بھٹو کی بھی شرکت
- پختونخوا سے پنجاب میں داخل ہونے والے دو دہشت گرد سی ٹی ڈی سے مقابلے میں ہلاک
- پاکستان میں مذہبی سیاحت کے وسیع امکانات موجود ہیں، آصف زرداری
- دنیا کی کوئی بھی طاقت پاک ایران تاریخی تعلقات کو متاثر نہیں کرسکتی، ایرانی صدر
- خیبرپختونخوا میں بلدیاتی نمائندوں کا اختیارات نہ ملنے پراحتجاج کا اعلان
- پشین؛ سیکیورٹی فورسز کی کارروائی میں3 دہشت گرد ہلاک، ایک زخمی حالت میں گرفتار
- لاپتہ کرنے والوں کا تعین بہت مشکل ہے، وزیراعلیٰ بلوچستان
- سائفر کیس میں بانی پی ٹی آئی کو سزا سنانے والے جج کے تبادلے کی سفارش
- فافن کی ضمنی انتخابات پر رپورٹ،‘ووٹوں کی گنتی بڑی حد تک مناسب طریقہ کار پر تھی’
- بلوچستان کے علاقے نانی مندر میں نایاب فارسی تیندوا دیکھا گیا
- اسلام آباد ہائیکورٹ کا عدالتی امور میں مداخلت پر ادارہ جاتی ردعمل دینے کا فیصلہ
- عوام کو ٹیکسز دینے پڑیں گے، اب اس کے بغیر گزارہ نہیں، وفاقی وزیرخزانہ
- امریکا نے ایران کیساتھ تجارتی معاہدے کرنے والوں کو خبردار کردیا
- قومی اسمبلی میں دوران اجلاس بجلی کا بریک ڈاؤن، ایوان تاریکی میں ڈوب گیا
- سوئی سدرن کے ہزاروں ملازمین کو ریگولرائز کرنے سے متعلق درخواستیں مسترد
- بہیمانہ قتل؛ بی جے پی رہنما کے بیٹے نے والدین اور بھائی کی سپاری دی تھی
- دوست کو گاڑی سے باندھ کر گاڑی چلانے کی ویڈیو وائرل، صارفین کی تنقید
- سائنس دانوں کا پانچ کروڑ سورج سے زیادہ طاقتور دھماکوں کا مشاہدہ
- چھوٹے بچوں کے ناخن باقاعدگی سے نہ کاٹنے کے نقصانات
- ایرانی صدر کا دورہ کراچی، کل صبح 8 بجے تک موبائل سروس معطل رہے گی
تحریک انصاف نے این اے 122 میں ووٹوں کی دوبارہ گنتی کیلیے درخواست جمع کرادی
لاہور: تحریک انصاف نے لاہور کے حلقہ این اے 122 میں اپنے امیدوار علیم خان کی شکست کےبعد حلقے میں ووٹوں کی دوبارہ گنتی کے لیے درخواست جمع کرادی جسے ریٹرننگ افسر نے مسترد کرتے ہوئے الیکشن کمیشن سے رجوع کرنے کی ہدایت کی ہے جب کہ تحریک انصاف نے الیکشن کمیشن سے ووٹرز کی فہرست بھی مانگ لی ہے۔
ایکسپریس نیوز کے مطابق تحریک انصاف کے رہنما علیم خان کی جانب سے ووٹوں کی دوبارہ گنتی کے لیے درخواست ریٹرننگ افسر کو جمع کرائی گئی ہے جس میں مؤقف اختیار کیا گیا کہ این اے 122 کے ضمنی انتخاب میں ووٹوں کی گنتی پر شبہ ہے کیونکہ انتخاب میں مخالف امیدوار کو کم فرق سے کامیابی حاصل ہوئی اس لیے ووٹوں کی دوبارہ گنتی کی جائے جب کہ درخواست میں مسترد شدہ ووٹ دکھانے کا بھی مطالبہ کیا گیا ہے۔
این اے 122 کے ریٹرننگ افسر نے تحریک انصاف کے رہنما علیم خان کی دوبارہ ووٹوں کی گنتی کی درخواست کو مسترد کردیا ہے اور انہیں الیکشن کمیشن سے رجوع کرنے کی ہدایت دی ہے۔
دوسری جانب تحریک انصاف کے رہنما چوہدری سرور کی جانب سے سیکریٹری الیکشن کمیشن بابر یعقوب کو خط لکھا گیا ہے جس میں این اے 122 کے ووٹرز کی فہرست مانگی گئی ہے جب کہ حلقے سے ووٹوں کی منتقلی کے معاملے کو بھی اٹھایا گیا ہے۔ تحریک انصاف کے خط میں ضمنی انتخاب کے موقع پر حلقے سے ووٹوں کی دیگر حلقوں میں منتقلی پر تحفظات کا اظہار کیا گیا ہے جب کہ دوسرے حلقوں میں منتقل کیے گئے ووٹوں کا ریکارڈ بھی طلب کیا گیا ہے۔
تحریک انصاف نے 2013 اور حالیہ انتخابات میں نادرا کی ووٹر لسٹوں کا ریکارڈ، 2013 اور 2015 کی ووٹر لسٹوں کا موازنہ شدہ ریکارڈ اور 2015 میں این اے 122 میں درج نئے اور خارج کردہ ووٹوں کا ریکارڈ بھی مانگا ہے۔ چوہدری سرور کا کہنا تھا کہ ووٹر لسٹوں کا ریکارڈ تحریک انصاف کے ووٹرز کی شکایت پر مانگا گیا ہے۔
واضح رہے کہ این اے 122 کے ضمنی انتخاب میں (ن) لیگ کے ایاز صادق نے تحریک انصاف کے امیدوار علیم خان کو شکست دی۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔