- آئی ایم ایف بورڈ کا شیڈول جاری، پاکستان کا اقتصادی جائزہ شامل نہیں
- رشتہ سے انکار پر تیزاب پھینک کر قتل کرنے کے ملزم کو عمر قید کی سزا
- کراچی؛ دو بچے تالاب میں ڈوب کر جاں بحق
- ججوں کے خط کا معاملہ، اسلام آباد ہائیکورٹ نے تمام ججوں سے تجاویز طلب کرلیں
- خیبرپختونخوا میں بارشوں سے 36 افراد جاں بحق، 46 زخمی ہوئے، پی ڈی ایم اے
- انٹربینک میں ڈالر کی قدر میں تنزلی، اوپن مارکیٹ میں معمولی اضافہ
- سونے کے نرخ بڑھنے کا سلسلہ جاری، بدستور بلند ترین سطح پر
- گداگروں کے گروپوں کے درمیان حد بندی کا تنازع؛ بھیکاری عدالت پہنچ گئے
- سائنس دانوں کی سائبورگ کاکروچ کی آزمائش
- ٹائپ 2 ذیا بیطس مختلف قسم کے سرطان کے ساتھ جینیاتی تعلق رکھتی ہے، تحقیق
- وزیراعظم کا اماراتی صدر سے رابطہ، موسمیاتی تبدیلی سے نمٹنے کے لیے مشترکہ اقدامات پر زور
- پارلیمنٹ کی مسجد سے جوتے چوری کا معاملہ؛ اسپیکر قومی اسمبلی نے نوٹس لے لیا
- گذشتہ ہفتے 22 اشیا کی قیمتیں بڑھ گئیں، ادارہ شماریات
- محکمہ موسمیات کی کراچی میں اگلے تین روز موسم گرم و مرطوب رہنے کی پیش گوئی
- بھارت؛ انسٹاگرام ریل بنانے کی خطرناک کوشش نے 21 سالہ نوجوان کی جان لے لی
- قطر کے ایئرپورٹ نے ایک بار پھر دنیا کے بہترین ایئرپورٹ کا ایوارڈ جیت لیا
- اسرائیلی بمباری میں 6 ہزار ماؤں سمیت 10 ہزار خواتین ہلاک ہوچکی ہیں، اقوام متحدہ
- 14 دن کے اندر کے پی اسمبلی اجلاس بلانے اور نومنتخب ممبران سے حلف لینے کا حکم
- ایل ڈی اے نے 25 ہاﺅسنگ سوسائٹیوں کے پرمٹ اور مجوزہ لے آﺅٹ پلان منسوخ کردیے
- امریکا نے اقوام متحدہ میں فلسطین کی مستقل رکنیت کی قرارداد ویٹو کردی
ایاز ’’صادق‘‘ ہوگئے!
”ایاز صادق نے دو تہائی اکثریت سے دوبارہ اسپیکر کا انتخاب جیت لیا۔“
اس کا مطلب ہے محمود و ایاز ایک ہوگئے ہیں۔
محمود کا تو پتا نہیں لیکن ایاز کا پتا ہے کہ وہ اب صادق ہوگئے ہیں۔
یہ صداقت کی سند انہوں نے کہاں سے حاصل کی ہے؟
عوام اور پارلیمنٹ نے انہیں یہ سند جیت کی صورت میں دی ہے۔
تمہارا مطلب ہے ووٹ کے نتیجہ میں ایاز صادق ہوگئے ہیں۔
صادق ہی نہیں ہوئے دو بار ایک ہی پارلیمنٹ سے اسپیکر بننے والے پہلے پاکستانی بھی بن گئے ہیں۔
تم نوٹ کی بات کررہے ہو یا ووٹ کی کھل کر کہو۔
کھل کر کیسے کہوں جب پارلیمنٹ والے کھل کر نہیں بول سکتے اور انہیں بھی ووٹ پر سچ لکھنا پڑتا ہے۔ فرق صرف یہ ہے کہ عوام نوٹ پر لکھتے ہیں اور پارلیمنٹ والے ووٹ پر۔
ایسا کیا لکھا ہے ووٹ پر اور کس نے لکھا ہے ؟
سرخ روشنائی سے کسی نے اپنا کلیجہ نکال کر خون میں ڈبو کر لکھا ہے کہ ،
’’یہ پارلیمنٹ ملک دشمن، عوام دشمن اور کسان دشمن ہے اس لیے اسے ووٹ دینا جرم ہے‘‘۔
اس کی تو تحقیقات ہونا چاہیے کہ یہ پارلیمنٹ کا خفیہ راز کس نے افشا کیا ہے۔
یہ کون سا خفیہ راز ہے جو عوام کو پتا نہیں تھا۔ عوام تو پہلے ہی اس طرح کی باتیں نوٹوں پر تحریر کرتی رہتی ہے۔ لگتا ہے اس طرح کی تحریروں کا سرغنہ پارلیمنٹ میں بھی پہنچ گیا ہے۔
یہ تو بہت خطرناک بات ہے لیکن یہ کون ہوسکتا ہے؟
جمشید دستی کا نام سننے میں آرہا تھا لیکن انہوں نے یہ کہہ کر جان چھڑائی کہ جس نے بھی لکھا ہے سچ لکھا ہے، لیکن میں نے یہ سچ لکھنے کی غلطی نہیں کی۔
اس کے علاوہ اور کون ہوسکتا ہے؟ یہی شخص پارلیمنٹ کے راز افشا کرتا رہتا ہے۔
اس کو تو پبلک اکاؤنٹس کمیٹی کا انچارج بنا دینا چاہیے۔
دماغ خراب ہوا ہے، بجائے سزا دینے کے انعام دینے کی بات کررہے ہو۔
ہمارے ملک میں تو ایسا ہی ہوتا ہے کہ جس کو سزا دینی ہو اسے وزیر بنا دیا جاتا ہے اور جسے انعام دینا ہو اسے او ایس ڈی بنا دیا جاتا ہے۔
پارلیمنٹ میں اسی لئے ملک دشمن، عوام دشمن اور کسان دشمن بڑی تعداد میں پہنچ گئے ہیں۔
رینجرز والے تو پہلے ہی ان کی تلاش میں عوام میں مارے مارے پھر رہے ہیں، ان کو کیا پتہ کہ وہ یہاں پارلیمنٹ میں چھپے ہوئے ہیں۔
پارلیمنٹ ملک دشمنوں کے چھپنے کی محفوظ پناہ گاہ تو نہیں ہوسکتی البتہ عوام دشمن اور کسان دشمن کے بارے میں نہیں کہہ سکتے کیونکہ عوام کے دشمن عوام سے ووٹ لے کر یہاں آجاتے ہیں اور پھر عوام انہیں اپنے علاقوں میں تلاش ہی کرتے رہ جاتے ہیں۔
وہ ان کے دیے گئے نوٹوں پر پھر ان کی یاد میں اکثر محبت بھرے پیغامات لکھ کر بھیجتے ہیں لیکن وہ راستے ہی میں کہیں اسٹیٹ بینک والے اچک لیتے ہیں اور ان تک بات نہیں پہنچ پاتی جہاں تک پہنچنی چاہیے۔
”چٹھی نہ کوئی سندیس ۔۔۔۔ جانے وہ کون سا دیس جہاں تم چلے گئے!“
نوٹ: ایکسپریس نیوز اور اس کی پالیسی کا اس بلاگر کے خیالات سے متفق ہونا ضروری نہیں ہے۔
اگر آپ بھی ہمارے لیے اردو بلاگ لکھنا چاہتے ہیں تو قلم اٹھائیے اور 500 الفاظ پر مشتمل تحریر اپنی تصویر، مکمل نام، فون نمبر ، فیس بک اور ٹویٹر آئی ڈیز اوراپنے مختصر مگر جامع تعارف کے ساتھ [email protected] پر ای میل کریں۔ بلاگ کے ساتھ تصاویر اورویڈیو لنکس۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔