قندھار ایئرپورٹ پر طالبان کا حملہ، سیکیورٹی اہلکاروں سمیت 45 سے زائد افراد ہلاک

ویب ڈیسک  بدھ 9 دسمبر 2015
حملہ آوروں نے ایئرپورٹ پر موجود خواتین اور بچوں کو بھی یرغمال بنالیا،
فوٹو: رائٹرز

حملہ آوروں نے ایئرپورٹ پر موجود خواتین اور بچوں کو بھی یرغمال بنالیا، فوٹو: رائٹرز

کابل: قندھار پر طالبان کے حملے میں 9 حملہ آوروں سمیت 45 سے زائد افراد ہلاک ہوگئے جن میں سیکیورٹی اہلکار اور عام شہری بھی شامل ہیں۔

غیر ملکی خبر رساں ایجنسی کے مطابق 30 سے زائد طالبان حملہ آوروں نے پہلے قندھار ایئرپورٹ کے گیٹ پر حملہ کیا اور اندر داخل ہوئے جس کے بعد تمام دو طرفہ فائرنگ کا تبادلہ شروع ہوگیا جس کے نتیجے میں 45 سے زائد افراد ہلاک ہوگئے۔ افغان وزارتِ دفاع کے مطابق حملے میں ہلاک ہونے والوں میں سیکیورٹی اہلکار اور عام شہری بھی شامل ہیں، حملہ آوروں نے ایئرپورٹ پر موجود خواتین اور کئی بچوں کو بھی یرغمال بنا لیا جب کہ ایئرپورٹ کے احاطے میں افغان اور نیٹو فورسز کا مشترکہ ہیڈ کوارٹر بھی قائم ہے۔ خبر ایجنسی کے مطابق ایئرپورٹ پرحملے سے ایک گھنٹے قبل طالبان نے قندھار کے ایک پولیس اسٹیشن کو بھی نشانہ بنایا۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔