پاکستانی اداکارہ ماورا حسین کی پہلی بالی ووڈ فلم پر ’گانا چوری‘ کا الزام

ممبئی: بالی ووڈ اداکار دبنگ خان نے پاکستانی اداکارہ ماورا حسین کی آج ریلیز ہونے والی ڈیبیو فلم “صنم تیری قسم” پر الزام عائد کیا ہے کہ فلم کا ایک گانا ان کی فلم سے چوری کیا گیا ہے۔

سلمان خان نے سماجی رابطے کی مائیکرو بلاگنگ ویب سائٹ ٹوئٹرپرپاکستانی اداکارہ ماورا حسین کی بالی ووڈ میں آج ریلیزہونے والی “فلم صنم تیری قسم” کے ایک گانے “حال دل” کے حوالے سے الزام عائد کیا ہے کہ یہ گانا ان کی فلم “تیرے نام” میں منتخب کیا جا نا تھا جو بعض وجوہات کی بنا پرنہیں لیا گیا.

Directors of my film Lucky n Sanam Teri Kasam churaud my song from Himesh. lovely song Had selected it for Tere Naam https://t.co/8aF3c6KXkH

— Salman Khan (@BeingSalmanKhan) February 3, 2016

دوسری جانب ناقدین کا کہنا ہے کہ دبنگ خان کی فلم ’’لکی‘‘ اور”صنم تیری قسم” کے میوزک ڈائریکٹرزایک ہی ہیں جس کی وجہ سے گانے کی چوری کا کوئی سوال ہی پیدا نہیں ہوتا۔

واضح رہے کہ ماورا حسین کی بالی ووڈ فلم نگری میں “صنم تیری قسم” پہلی فلم ہے جو کہ آج سینما گھروں کی زینت بن رہی ہے۔