- وزیراعظم کا اسمگلنگ کے خاتمے کے لیے ملک گیر مہم تیز کرنے کا حکم
- جی-7 وزرائے خارجہ کا اجلاس؛ غزہ میں جنگ بندی کا مطالبہ
- پنڈی اسٹیڈیم میں بارش؛ بھارت نے چیمپیئنز ٹرافی کی میزبانی پر سوال اٹھادیا
- اس سال ہم بھی حج کی نگرانی کرینگے شکایت ملی تو حکام کو نہیں چھوڑیں گے، اسلام آباد ہائیکورٹ
- بشریٰ بی بی کو کھانے میں ٹائلٹ کلینر ملا کر دیا گیا، عمران خان
- عمران خان اور بشریٰ بی بی کی درخواستیں منظور، طبی معائنہ کروانے کا حکم
- حملے میں کوئی نقصان نہیں ہوا، تمام ڈرونز مار گرائے؛ ایران
- 25 برس مکمل، علیم ڈار دنیائے کرکٹ کے پہلے امپائر بن گئے
- قومی اسمبلی: جمشید دستی اور اقبال خان کے ایوان میں داخلے پر پابندی
- کراچی میں غیرملکیوں کی گاڑی پر حملہ، خودکش بمبار کی شناخت
- مولانا فضل الرحمٰن کو احتجاج کرنا ہے تو کے پی میں کریں ، بلاول بھٹو زرداری
- کراٹے کمبیٹ 45؛ شاہ زیب رند نے ’’بھارتی کپتان‘‘ کو تھپڑ دے مارا
- بلوچستان کابینہ کے 14 وزراء نے حلف اٹھا لیا
- کینیا؛ ہیلی کاپٹر حادثے میں آرمی چیف سمیت 10 افسران ہلاک
- قومی و صوبائی اسمبلی کی 21 نشستوں کیلیے ضمنی انتخابات21 اپریل کو ہوں گے
- انٹرنیٹ بندش کا اتنا نقصان نہیں ہوتا مگر واویلا مچا دیا جاتا ہے، وزیر مملکت
- پی ٹی آئی کی لیاقت باغ میں جلسہ کی درخواست مسترد
- پشاور میں صحت کارڈ پر دوائیں نہ ملنے کا معاملہ؛ 15 ڈاکٹرز معطل
- پہلا ٹی20؛ عماد کو پلئینگ الیون میں کیوں شامل نہیں کیا؟ سابق کرکٹرز کی تنقید
- 9 مئی کیسز؛ فواد چوہدری کی 14 مقدمات میں عبوری ضمانت منظور
ٹیلی کام سیکٹر کو ٹیکسوں میں ریلیف ملنے کا امکان
اسلام آباد: وفاقی بجٹ میں ٹیلی کام سیکٹرکو مختلف ٹیکسوں کی مد میں ریلیف ملنے کا امکان ہے۔
اس سلسلے میں وفاقی حکومت نے آئندہ بجٹ میں سم سپلائی ٹیکس اور آئی ایم ای آئی ٹیکس کے حوالے سے غیرملکی کمپنیوں کے تحفظات دور کرنے پر نظرثانی کرنے کی یقین دہانی کرا دی۔ اس ضمن میں ویمپل کام اور موبی لنک کے چیف ایگزیکٹو آفیسر جین وائی چارلر نے وفد کے ساتھ گزشتہ روز وفاقی وزیر خزانہ اسحق ڈار سے ملاقات کی، اس موقع پر وزیر اعظم کے مشیر برائے ریونیو ہارون اختر، وزارت خزانہ کے دیگر اعلی حکام بھی موجود تھے۔
اس سے قبل وفد نے وزیرمملکت آئی ٹی انوشہ رحمن سے بھی ملاقات کی۔ ذرائع کے مطابق وزیر خزانہ سے ملاقات میں ٹیلی کام انڈسٹری کو درپیش مسائل پر تبادلہ خیال ہوا، ویمپل کام و موبی لنک کے چیف ایگزیکٹو آفیسرجین وائی چارلرنے موبی لنک کی پیرنٹ کمپنی ویمپل کام کے بانی چیئرمین اوگی کے فیبیلاٹوکی ہیگ میں پاکستانی سفیر کے ساتھ 10نومبر 2015 اور اپریل 2015 میں ویمپل کام، ٹیلی نار، اتصالات وچائنا موبائل کے گروپ چیفس اور چیئرمین بورڈ ایگزیکٹو کمیٹی ابوظبی گروپ کے دستخطوں سے وزیراعظم کو لکھے جانے والے خط کا بھی حوالہ دیا ۔
جس میں ٹیلی کام انڈسٹری کے مسائل سے آگاہ کیا تھا اور پھر وزارت خارجہ نے وزارت خزانہ کو خط لکھ کر غیرملکی کمپنیوں کے تحفظات دور کرنے کے لہے حکومت کو سم سپلائی ٹیکس اور آئی ایم ای آئی ٹیکس ختم کرنے کی سفارش کی تھی جبکہ وزیراعظم کو خط میں مذکورہ تمام ٹیلی کام کمپنیوں کے گروپ چیف نے ٹیلی کمیونی کیشن آلات کی درآمد پر 5فیصد رعایتی ڈیوٹی بحال، نئی سم کی سپلائی پر عائد 250 روپے ٹیکس، سیلولر موبائل فون آپریٹرز کے ذریعے آئی ایم ای آئی ٹیکس کی کلیکشن سمیت سم ایکٹیویشن و دیگر تمام سیکٹر اسپیسیفک ٹیکس ختم کرنے کی درخواست کی تھی۔
ذرائع کے مطابق پاکستان کے دورے پر آئے ہوئے ویمپل کام کے چیف ایگزیکٹو آفیسر نے وفد کے ہمراہ گزشتہ روز اہم ملاقاتیں کی ہیں اور توقع ہے کہ اس بارے میں جلد ایف بی آر میں بھی اعلی سطح کا اجلاس ہوگا جس میں اس حوالے سے تفصیلی جائزہ لیا جائے گا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔