نریندر مودی کی پھرتیاں؛ افغان صدر کو 3 ماہ قبل ہی سالگرہ کی مبارکباد دیدی

بھارتی وزیراعظم کی تصویریں بنوانے اور پھرتیاں دکھانے کی عادت کوئی نئی نہیں ہے، کبھی گلے ملنے میں جلدی دکھاتے ہیں تو کبھی ہاتھ ملانے میں لیکن اس بات تو نریندر مودی نے افغان صدر اشرف عغنی کو 3 ماہ قبل ہی سالگرہ کی مبارکباد دے کر حد ہی کردی۔

بھارتی وزیراعظم نریندر مودی نے مائیکرو بلاگنگ ویب سائٹ ٹوئٹر پر افغان صدر اشرف غنی کو سالگرہ کی مبارکباد دیتے ہوئے کہا آپ کی لمبی زندگی اور اچھی صحت کے لئے دعا گو ہوں۔

@narendramodi Greetings from Munich Mr. PM. Although, my Birthday is on 19th May, but I'd still like to thank you for your gracious words :)

— Ashraf Ghani (@ashrafghani) February 12, 2016

جواب میں افغان صدر اشرف غنی نے اپنے پیغام میں بھارتی وزیراعظم سے کہا کہ جرمنی کے شہر میونخ سے آپ کا خیر مقدم کرتا ہوں، میری سالگرہ 19 مئی کو ہوتی ہے لیکن میں آپ کے الفاظ کی قدر کرتے ہوئے شکریہ ادا کرتا ہوں۔

واضح رہے کہ وکی پیڈیا پر افغان صدر کی تاریخ پیدائش 12 فروری ہی درج ہے شاید اسی لئے بھارتی وزیراعظم نریندر مودی دھوکا کھا گئے اور اشرف غنی کو مبارکباد دے دی۔