- قومی اسمبلی: خواتین ارکان پر نازیبا جملے کسنے کیخلاف مذمتی قرارداد منظور
- پاکستان نے انسانی حقوق سے متعلق امریکی ’متعصبانہ‘ رپورٹ کو مسترد کردیا
- جب سے چیف جسٹس بنا کسی جج نے مداخلت کی شکایت نہیں کی، قاضی فائز عیسیٰ
- پاکستان اور نیوزی لینڈ کے مابین چوتھا ٹی ٹوئنٹی آج کھیلا جائے گا
- سائفر کیس؛ مقدمہ درج ہوا تو سائفر دیگر لوگوں نے بھی واپس نہیں کیا تھا، اسلام آباد ہائیکورٹ
- ضلع خیبرمیں سیکیورٹی فورسز کی کارروائی میں تین دہشت گرد ہلاک، دو ٹھکانے تباہ
- عمران خان کی سعودی عرب سے متعلق بیان پر شیر افضل مروت کی سرزنش
- چین: ماڈلنگ کی دنیا میں قدم رکھنے والا 88 سالہ شہری
- یوٹیوب اپ ڈیٹ سے صارفین مسائل کا شکار
- بدلتا موسم مزدوروں میں ذہنی صحت کے مسائل کا سبب قرار
- چیف جسٹس قاضی فائزعیسیٰ نے پروٹوکول واپس کردیا، صرف دو گاڑیاں رہ گئیں
- غزہ کی اجتماعی قبروں میں فلسطینیوں کو زندہ دفن کرنے کا انکشاف
- اسمگلنگ کا قلع قمع کرکے خطے کو امن کا گہوارہ بنائیں گے ، شہباز شریف
- پاکستان میں دراندازی کیلیے طالبان نے مکمل مدد فراہم کی، گرفتار افغان دہشتگرد کا انکشاف
- سعودی دارالحکومت ریاض میں پہلا شراب خانہ کھول دیا گیا
- موٹر وے پولیس اہل کار کو ٹکر مارنے والی خاتون جوڈیشل ریمانڈ پر جیل روانہ
- کراچی میں رینجرز ہیڈ کوارٹرز سمیت تمام عمارتوں کے باہر سے رکاوٹیں ہٹانے کا حکم
- اوگرا کی تیل کی قیمتیں ڈی ریگولیٹ کرنے کی تردید
- منہدم نسلہ ٹاور کے پلاٹ کو نیلام کر کے متاثرہ رہائشیوں کو پیسے دینے کا حکم
- مہنگائی کے باعث لوگ اپنے بچوں کو فروخت کرنے پر مجبور ہیں، پشاور ہائیکورٹ
ساؤتھ ایشین گیمزمیں پاکستان کا ایک اور گولڈ میڈل، تعداد 9 ہوگئی
گوہاٹی / لاہور: ساؤتھ ایشین گیمزمیں پاکستان نے تائیکوانڈو میں مزید ایک طلائی تمغہ جیت لیا، یاسمین خان نے عمدہ کھیل کی بدولت یہ ممکن بنایا، مجموعی طور پر سونے کے9 میڈلز سمیت میڈلز کی تعداد 81 ہو گئی۔
تفصیلات کے مطابق ساف گیمزمیں شریک 8 ممالک کے کھلاڑیوں میں میڈلزکی دوڑ جاری ہے، میزبان بھارت تمغوں کی ریس میں بدستور سرفہرست ہے جس نے ابھی تک سونے کے156تمغوں سمیت مجموعی طور پر268 میڈلز اپنے نام کیے ہیں، جن میں 85 چاندی اور27 کانسی کے میڈلزشامل ہیں۔ سری لنکا 163 میڈلزکے ساتھ دوسرے نمبر پر ہے، اس میں 25 سونے، 55 چاندی اور83 کانسی کے میڈلز شامل ہیں۔
پاکستان 81 میڈلز کے ساتھ تیسرے نمبر پر ہے، اس میں9 سونے، 27 چاندی اور 45 کانسی کے تمغے شامل ہیں، پاکستانی ٹیم نے ووشو، ریسلنگ میں2، 2 جب کہ ہاکی، اسکواش، سوئمنگ، ویٹ لفٹنگ اور تائیکوانڈو ایونٹس میں ایک، ایک طلائی تمغہ جیتنے کا اعزاز حاصل کیا، بنگلہ دیش 58 کے ساتھ چوتھے نمبرپر ہے، بنگال ٹائیگرز نے اب تک 4 سونے، 12 چاندی اور42 کانسی کے میڈلز جیتے ہیں۔ نیپال 34 میڈلز کے ساتھ پانچویں اور افغانستان 15 میڈلز کے ساتھ چھٹے نمبر پر ہے۔مالدیپ کی ساتویں اور بھوٹان کی میڈلز ٹیبل پر اختتامی پوزیشن ہے،گزشتہ روز پاکستان نے مجموعی طور پر7میڈلزجیتے۔
ان میں ایک گولڈ، پانچ سلور اورایک برانز میڈل شامل ہے۔یاسمین خان نے تائیکوانڈو کے 46 کلوگرام کے خواتین مقابلوں میں سونے کا تمغہ اپنے نام کیا جبکہ اسی گیم میں63 کلوگرام کے مردوں کے مقابلوں میں نوید خان نے چاندی کا میڈل حاصل کیا۔مردوں کی شوٹنگ میں3 اور خواتین کے حصہ میں ایک سلور میڈل آیا۔10 میٹر ایئرپسٹل ٹیم ایونٹ میںکلیم خان،کلیم اللہ اور محمد شہزاد پرمشتمل ٹیم نے چاندی کا تمغہ حاصل کیا، اسی کیٹیگری میں بھارتی شوٹرز اومکر سنگھ گرپریت سنگھ اورجتیندرا نے طلائی جبکہ سری لنکن پلیئرز فرنینڈو، پتھیرانا اور ڈیسانائیکے نے کانسی کا تمغہ جیتا،25 میٹر پسٹل ویمن ٹیم ایونٹ میں بھارت ہی کی راحی سرنوبٹ، انیسہ سید اور انوج سنگھ نے گولڈ میڈل پایا، سری لنکا کی کولاتھنگا، کینڈاوالا اور ویرک کوڈی نے چاندی جبکہ پاکستان کی لبنیٰ امین، فرحت نسرین اور تعظیم اختر نے کانسی کا تمغہ حاصل کیا۔
50 میٹر شوٹنگ ایونٹ میں انجم مودگل، ایلزبتھ کوشے اور لاجا گوسوامی نے گولڈ میڈل جیتا، سری لنکن کی پریرا، کے جی پریرا اور روپا رتھنا نے چاندی اورپاکستان کی نازش خان، نادیہ راشد اور نادرہ رئیس نے کانسی کا تمغہ جیتا۔ ٹرائیتھلون مقابلوں میں بھی بھارتی کھلاڑی فاتح رہے، دلیپ کمار اورگرودت نے بالترتیب گولڈ اور سلور میڈل پائے، سری لنکا کے نوانکمارا نے برانز میڈل اپنے قبضے میں کرلیا، بھارتی خواتین نے بھی ابتدائی دونوں پوزیشنز اپنے نام کیں، پلاوی ریتوالا اور پوجا نے بالترتیب پہلی اوردوسری پوزیشن حاصل کی جبکہ سری لنکن روجا کا تیسرا نمبر رہا۔ادھر ایشین گیمز میں جوڈو کے مقابلے اتوار سے شروع ہونگے۔15 رکنی قومی ٹیم مختلف کیٹیگریز کے مقابلوں میں اپنی صلاحیتوں کے جوہر دکھائے گی۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔