- پاک آئرلینڈ ٹی20 سیریز؛ شیڈول کا اعلان ہوگیا
- برج خلیفہ کے رہائشیوں کیلیے سحر و افطار کے 3 مختلف اوقات
- روس کا جنگی طیارہ سمندر میں گر کر تباہ
- ہفتے میں دو بار ورزش بے خوابی کے خطرات کم کرسکتی ہے، تحقیق
- آسٹریلیا کے انوکھے دوستوں کی جوڑی ٹوٹ گئی
- ملکی وے کہکشاں کے درمیان موجود بلیک ہول کی نئی تصویر جاری
- کپتان کی تبدیلی کے آثار مزید نمایاں ہونے لگے
- قیادت میں ممکنہ تبدیلی؛ بورڈ نے شاہین کو تاحال اعتماد میں نہیں لیا
- ایچ بی ایف سی کا چیلنجنگ معاشی ماحول میں ریکارڈ مالیاتی نتائج کا حصول
- اسپیشل عید ٹرینوں کے کرایوں میں کمی پر غور کر رہے ہیں، سی ای او ریلوے
- سول ایوی ایشن اتھارٹی سے 13ارب ٹیکس واجبات کی ریکوری
- سندھ میں 15 جیلوں کی مرمت کیلیے ایک ارب 30 کروڑ روپے کی منظوری
- پی آئی اے نجکاری، جلد عالمی مارکیٹ میں اشتہار شائع ہونگے
- صنعتوں، سروسز سیکٹر کی ناقص کارکردگی، معاشی ترقی کی شرح گر کر ایک فیصد ہو گئی
- جواہرات کے شعبے کو ترقی دیکر زرمبادلہ کما سکتے ہیں، صدر
- پاکستان کی سیکنڈری ایمرجنگ مارکیٹ حیثیت 6ماہ کے لیے برقرار
- اعمال حسنہ رمضان الکریم
- قُرب الہی کا حصول
- رمضان الکریم ماہِ نزول قرآن حکیم
- پولر آئس کا پگھلاؤ زمین کی گردش، وقت کی رفتار سست کرنے کا باعث بن رہا ہے، تحقیق
پاک بھارت مذاکرات کی بحالی کیلیے رابطوں کا سلسلہ دوبارہ شروع
کراچی: پٹھان کوٹ حملے سے موخر ہونے والے پاک بھارت مذاکرات کی بحالی کے لیے دونوں ممالک میں رابطوں کا سلسلہ دوبارہ شروع ہوگیا ہے تاہم یہ رابطے اوپن پالیسی کے بجائے پس پردہ چینل کے توسط سے ہورہے ہیں۔
دونوں ممالک میں پس پردہ رابطوں میں مذاکراتی امورطے کی حکمت عملی طے ہونے کے بعد پاک بھارت سیکریٹریزخارجہ کی ملاقات کے شیڈول کا اعلان کیاجاسکتا ہے۔ بھارت نے مذاکرات کی بحالی کے لیے اپنی حکومتی سطح پرمشاورت کرنے کے لیے وقت طلب کیاہوا ہے اور پس پردہ رابطوں میں پاکستانی حکام کوکہاگیا ہے کہ جلد مذاکرات کی بحالی کے لیے اپنے شیڈول سے آگاہ کردیا جائے گا ۔ان پس پردہ رابطوں کا سلسلہ بھارت نے ازخود شروع کیے ہیں ۔مذاکراتی امور سے وابستہ حکومتی حلقوں کا کہنا ہے پاکستان کی جانب سے پٹھان کوٹ حملے کے تفصیلی معلومات اور شواہد طلب کرنے کے باوجود بھارتی حکام اس معاملے پر تاخیری حربے استعمال کررہے ہیں کیونکہ بھارتی حکام کو اس معاملے میں تاحال کو ئی ایسے شواہد نہیں ملے ہیں ۔
جس سے یہ واضح ہوسکے کہ اس حملے میں پاکستان کی سرزمین براہ راست استعمال ہوئی ہو۔ان ہی وجوہ کے سبب پاکستان کی تحقیقاتی ٹیم کو دورہ بھارت کے لیے مودی سرکار باضابطہ اجازت نہیں دے رہی ہے ۔ذرائع کا کہنا ہے کہ بھارت نے پٹھان کوٹ حملے کے بعد جو معلومات پاکستانی حکام کو فراہم کی تھیں۔ان معلومات کی روشنی میں پاکستانی تحقیقاتی ٹیم نے تفتیش کی ہے اور تحقیقاتی ٹیم کی جانب سے ان معلومات کونامکمل قراردیا گیا ہے اورپاکستانی ٹیم کوایسے کوئی شواہد نہیں ملے ہیں جس سے یہ ثابت ہو کہ اس معاملے میں ہاکستان کی سرزمین بلا واسطہ یا بلواسطہ استعمال ہوئی ہو ۔
ذرائع کا کہنا ہے کہ وفاقی حکومت نے پاک بھارت مذاکرات کی بحالی کے لیے سفارتی رابطے میں بھارتی حکام کوواضح کردیا ہے کہ بھارتی حکومت پاک بھارت سیکریٹریز خارجہ کی سطح پر مذاکرات کے شیڈول کو طے کرے یا اس کی بحالی کا ٹائم فریم دیاجائے ۔ذرائع کا کہنا ہے کہ بھارت پٹھان کوٹ حملے کی تفتیش کو جواز بناکر مذاکرات کا ٹائم فریم طے کر نے میں تاخیر کررہاہے ۔حکومت پاکستان بھارت کو واضح کرچکی ہے کہ اگر بھارت مثبت مذاکراتی پالیسی اختیار نہیں کرے گا تو پاکستان مذاکرات کی اپنی پالیسی پر نظرثانی کر سکتا ہے۔ذرائع کا کہنا ہے کہ اگر بھارتی حکام کا رویہ مثبت رہا تو اگلے مرحلے پر وزرائے خارجہ کی سطح پر بات چیت ہوسکتی ہے ۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔