کراچی کے علاقے بہادرآباد سے 2 افراد کی تشدد زدہ لاشیں برآمد

 کراچی: بہادر آباد کے علاقے میں واقع خالی پلاٹ سے 2 افراد کی  تشدد زدہ لاشیں برآمد ہوئی ہیں۔

ایکسپریس نیوز کے مطابق پولیس حکام کا کہنا ہے کہ کراچی کے علاقے بہادر آباد میں واقع خالی پلاٹ سے دو افراد کی تشدد زدہ لاشیں برآمد ہوئی ہیں، دونوں افراد کے جسموں پر تشدد کے نشانات موجود ہیں، ابتدائی تحقیقات سے ایسا معلوم ہوتا ہے کہ دونوں افراد کے درمیان کسی بات پر جھگڑا ہوا اور پھر دونوں نے ایک دوسرے پر پتھروں سے حملہ کردیا جس کے نتیجے میں دونوں کی موت واقع ہوگئی۔

پولیس حکام کا کہنا ہے کہ دونوں افراد کی لاشوں کو پوسٹ مارٹم کے لئے اسپتال منتقل کردیا گیا ہے جس کے بعد ہی دونوں افراد کی موت کی اصل وجہ معلوم ہوسکے گی۔