- سائفر کیس؛ مقدمہ درج ہوا تو سائفر دیگر لوگوں نے بھی واپس نہیں کیا تھا، اسلام آباد ہائیکورٹ
- ضلع خیبرمیں سیکیورٹی فورسز کی فائرنگ میں تین دہشت گرد ہلاک، دو ٹھکانے تباہ
- عمران خان کی سعودی عرب سے متعلق بیان پر شیر افضل مروت کی سرزنش
- چین: ماڈلنگ کی دنیا میں قدم رکھنے والا 88 سالہ شہری
- یوٹیوب اپ ڈیٹ سے صارفین مسائل کا شکار
- بدلتا موسم مزدوروں میں ذہنی صحت کے مسائل کا سبب قرار
- چیف جسٹس قاضی فائزعیسیٰ نے پروٹوکول واپس کردیا، صرف دو گاڑیاں رہ گئیں
- غزہ کی اجتماعی قبروں میں فلسطینیوں کو زندہ دفن کرنے کا انکشاف
- اسمگلنگ کا قلع قمع کرکے خطے کو امن کا گہوارہ بنائیں گے ، شہباز شریف
- پاکستان میں دراندازی کیلیے طالبان نے مکمل مدد فراہم کی، گرفتار افغان دہشتگرد کا انکشاف
- سعودی دارالحکومت ریاض میں پہلا شراب خانہ کھول دیا گیا
- موٹر وے پولیس اہل کار کو ٹکر مارنے والی خاتون جوڈیشل ریمانڈ پر جیل روانہ
- کراچی میں رینجرز ہیڈ کوارٹرز سمیت تمام عمارتوں کے باہر سے رکاوٹیں ہٹانے کا حکم
- اوگرا کی تیل کی قیمتیں ڈی ریگولیٹ کرنے کی تردید
- منہدم نسلہ ٹاور کے پلاٹ کو نیلام کر کے متاثرہ رہائشیوں کو پیسے دینے کا حکم
- مہنگائی کے باعث لوگ اپنے بچوں کو فروخت کرنے پر مجبور ہیں، پشاور ہائیکورٹ
- کیا عماد، عامر اور فخر کو آج موقع ملے گا؟
- سونے کی قیمتوں میں معمولی اضافہ
- عمران خان، بشریٰ بی بی کو ریاستی اداروں کیخلاف بیان بازی سے روک دیا گیا
- ویمنز ٹیم کی سابق کپتان بسمہ معروف نے ریٹائرمنٹ کا اعلان کردیا
نئے کرکٹ کوچ کے چہرے سے ’’نقاب کشائی‘‘آج متوقع
لاہور: نئے قومی کرکٹ کوچ کے چہرے سے’’نقاب کشائی‘‘منگل کو متوقع ہے، ملکی اور غیر ملکی امیدواروں کی فہرست پی سی بی گورننگ بورڈ کے سامنے رکھی جائے گی،پیٹر مورس کی جانب سے انکار کے بعد ڈین جونز،ٹام موڈی، جیمی سڈونز اور فلاور برادران دوڑ میں رہ گئے ہیں،کوئی حتمی فیصلہ نہ ہوسکا تو عبوری طور پر مشتاق احمد کو ذمہ داریاں مل سکتی ہیں،مدثر نذر کے بطور ڈائریکٹر اکیڈمیز تقرر پر بھی بات ہوگی۔
تفصیلات کے مطابق پی سی بی گورننگ بورڈ کا اجلاس منگل کو نیشنل کرکٹ اکیڈمی میں ہورہا ہے، اس موقع پر قومی ٹیم کے نئے ہیڈ کوچ کیلیے ملکی اور غیر ملکی درخواست گزاروں کے نام پیش کرتے ہوئے ارکان کو اعتماد میں لے کر کوئی حتمی فیصلہ کرنے کی کوشش ہوگی، ورلڈ کپ 2015 میں انگلینڈ کے پہلے راؤنڈ سے ہی باہر ہونے کے بعد عہدے سے فارغ کیے جانے والے پیٹر مورس کو مضبوط امیدوار خیال کیا جارہا تھا، مگر انھوں نے ذاتی وجوہات کی بناپر پاکستان کیلیے کام کرنے سے انکار کردیا، اب غیر ملکی کرکٹرز میں سابق جنوبی افریقی کوچ مکی آرتھر، سابق آسٹریلوی کرکٹر ڈین جونز،ٹام موڈی، سابق بنگلہ دیشی کوچ جیمی سڈونز اور فلاور برادران رہ گئے ہیں۔
دوسری جانب عاقب جاوید نے باضابطہ طور پر درخواست دینے سے تو گریز کیا لیکن ذرائع کا کہنا ہے کہ پی سی بی حکام ان سے رابطے میں ہیں، ان کی بطور ہیڈ یا بولنگ کوچ خدمات لی جاسکتی ہیں، گورننگ بورڈ اجلاس میں مدثر نذر کے بطور ڈائریکٹر اکیڈمیز تقرر پر بھی بات ہوگی،اگر سابق ٹیسٹ کرکٹر کے بارے میں مثبت فیصلہ ہوا تو عاقب جاوید کو بھی کوئی ذمہ داری ملنے کا امکان روشن ہوگا، دونوں میں اچھی دوستی ہے، ماضی میں ساتھ کام بھی کرچکے اور اب لاہور قلندرز کے ساتھ وابستہ ہیں۔ ہیڈ کوچ کا کوئی حتمی فیصلہ نہ ہوسکا تو دورئہ انگلینڈ کیلیے عبوری طور این سی اے ہیڈ کوچ مشتاق احمد کو ذمہ داریاں مل سکتی ہیں۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔