ہریتھک روشن کے ساتھ رجوع کرنے کا سوال ہی پیدا نہیں ہوتا، سوزین خان

ممبئی: بالی ووڈ کے ایکشن ہیرو ہریتھک روشن کی سابق اہلیہ سوزین خان کا کہنا ہے کہ سابق شوہر کے ساتھ ایک بار پھر مصالحت کا سوال ہی پیدا نہیں ہوتا۔

بھارتی میڈیا رپورٹس کے مطابق ہریتھک روشن اور ان کی سابق اہلیہ اپنے چھوٹے بیٹے ہردانس کی سالگرہ کے موقع پر ایک ساتھ دکھائی دیئے تھے جس کے بعد افواہیں گردش کر رہی تھیں کہ سابق جوڑی ایک مرتبہ پھر تمام اختلافات بھلا کر ایک ہونے جارہی ہے تاہم ان افواہوں نے اس وقت دم توڑ دیا جب سوزین خان نے سماجی رابطے کی ویب سائٹ ٹوئٹرپر خود اپنی ٹوئٹ میں اس کی تردید کی۔

سوزین خان کا کہنا تھا کہ ہریتھک روشن کے ساتھ دوبارہ مصالحت کا سوال ہی نہیں لیکن ہم دونوں ہمیشہ اچھے والدین رہیں گے، ہم کبھی بھی ایک بار پھر ساتھ نہیں ہوں گے، اگراس قسم کی افواہیں گردش کر رہی ہیں تو وہ من گھڑت ہیں جب کہ انہوں نے عوام سے قیاس آرائیاں نہ کرنے کی بھی درخواست کی ۔

I request people to stop speculating. There will never be a reconciliation with @iHrithik. But we will always be good parents. #no1priority

— Sussanne Khan (@sussannekroshan) May 2, 2016

دوسری جانب سوزین خان نے ہریتھک روشن اوراداکارہ کنگنا رناوت کی سوشل میڈیا پروائرل ہونے والی ایک ساتھ تصویرکے حوالے سے کہا کہ وہ بھی جھوٹی اورفوٹو شاپ سے بنائی گئی ہے اوراس معاملے میں وہ اپنے سابق شوہر کے ساتھ ہیں۔

واضح رہے کہ دونوں کو بچوں کے ہمراہ ایک ساتھ ہوٹل میں لنچ کرتے دیکھا گیا تھا جس کے بعد عوام کی جانب سے قیاس آرائیاں شروع کی گئیں تھیں۔