امریکی ریاست ساؤتھ کیرولینا کی سب سے خوبصورت طالبہ گرفتار

ساؤتھ کیرولینا: بیماری کا بہانہ کر کے چھٹی تو سبھی کرتے ہیں لیکن ساؤتھ کیرولینا کی طالبہ کو اس کا اندازہ نہ تھا جسے اس حرکت پر پولیس نے گرفتار کر لیا ہے۔

ساؤتھ کیرولینا کی رہائشی 17 سال میڈیسن نامی طالبہ کو گرفتار کرنے پر پولیس کا کہنا تھا کہ دراصل اس نے اسکول سے چھٹی حاصل کرنے کے لیے نہ صرف جھوٹ بولا بلکہ اپنے جھوٹ کو سچ ثابت کرنے کے لیے ڈاکٹر کا جعلی خط بھی اسکول میں دیا۔ پولیس کے مطابق ڈاکٹر کا نوٹ پیڈ طالبہ نے چوری کر کے استعمال کیا۔

پولیس کے مطابق طالبہ کا کہنا تھا کہ دراصل وہ صرف اسکول میں اپنی ساکھ برقرار رکھنا چاہتی تھی اس لیے چھٹی کے لیے جائز بہانے کے لیے وہ اس حرکت پر مجبور ہوئی۔

پولیس کا کہنا ہے کہ طالبہ ہائی اسکول میں زیر تعلیم ہے اس کے علاوہ وہ ساؤتھ کیرولینا کی سب سے خوبصورت لڑکی ہونے کا مقابلہ بھی جیت چکی ہے۔