بے نظیرانٹرنیشنل ائیرپورٹ پرمسافر سے 6 کلوسے زائد ہیروئن برآمد

مسافر نوید قاسم کا تعلق گجرات سے ہے جو نجی پرواز سے میلان جارہا ہے، اے این ایف حکام

ویب ڈیسک ہفتہ 28 مئ 2016

مسافر نوید قاسم کا تعلق گجرات سے ہے جو نجی پرواز سے میلان جارہا ہے، اے این ایف حکام۔ فوٹو:فائل

راولپنڈی: اینٹی نارکوٹکس فورس نے بے نظیر انٹرنیشنل ائیر پورٹ پر کارروائی کرتے ہوئے مسافر کے سامان سے 6 کلوسے زائد ہیروئن برآمد کرلی۔

ایکسپریس نیوز کے مطابق راولپنڈی میں بے نطیرائیرپورٹ پر اے این ایف کی جانب سے کارروائی کی گئی، کارروائی میں میلان جانے والے مسافر نوید قاسم کے سامان سے 6 کلوسے زائد ہیروئن برآمد کرلی گئی جس کے بعد مسافر کو حراست میں لے لیا گیا۔

اے این ایف حکام کا کہنا ہے کہ مسافر نوید قاسم کا تعلق گجرات سے ہے جو نجی فلائٹ سے میلان جارہا تھا جب کہ ملزم کو حراست میں لے کر تحقیقات کا آغاز کردیا گیا ہے۔