مردان میں سائیکل سوار شخص کا خودکش حملہ، 7 افراد زخمی

مردان: سٹی تھانے کے قریب خود کش حملے میں 7 افراد زخمی ہوگئے جنہیں فوری طبی امداد کے لیے قریبی اسپتال منتقل کردیا گیا۔

ایکسپریس نیوز کے مطابق مردان کے علاقے سٹی تھانے کے قریب سائیکل سوار خودکش بمبار کو پولیس نے رکنے کا اشارہ کیا تو اس نے اہلکاروں پر فائرنگ کردی جب کہ اسی دوران زوردور دھماکا بھی ہوا جس کے نتیجے میں 7 افراد زخمی ہوگئے، زخمیوں کو فوری طبی امداد کے لیے قریبی اسپتال منتقل کردیا گیا جب کہ فورسز نے جائے وقوعہ کو گھیرے میں لے لیا۔

مردان پولیس حکام کے مطابق خودکش حملہ آور سائیکل پر سوار تھا اور پولیس نے روکنے کی کوشش کی نہ رکنے پر فائرنگ کی جس کے بعد اس نے خود کو دھماکے سے اڑا لیا جس کے نتیجے میں 7 افراد زخمی ہوئے۔