ہریتھک روشن استنبول ایئرپورٹ پر خودکش حملوں میں بال بال بچ گئے

ممبئی: بالی ووڈ اداکارہریتھک روشن کا کہنا ہے کہ وہ گزشتہ روز ترکی کے شہر استنبول کے کمال اتا ترک ایئرپورٹ پر ہونے والے خود کش حملوں میں اپنے بچوں کے ہمراہ بال بال بچے ہیں۔

سماجی رابطوں کی ویب سائٹ ٹوئٹر پر بالی ووڈ کے اداکار ہریتھک روشن کا کہنا تھا کہ استنبول کے اتاترک ائیرپورٹ پر خودکش حملوں اور فائرنگ کے واقعے سے چند گھنٹے قبل وہ بھی اپنے بچوں کے ساتھ وہاں موجود تھے۔ ان سے کنیکٹنگ فلائیٹ چھوٹ گئی تھی جس کے بعد انہیں دوسری فلائٹ کے لئے صبح تک انتظار کرنا تھا  لیکن وہ حملے سے صرف چند گھنٹے قبل دوسری پرواز کی اکانومی کلاس کا ٹکٹ لے کر وہاں سے روانہ ہوئےتھے۔

missed connecting flight at Istanbul n wer stuck at airport next flight ws next day,but took economy n flew out earlier. #Prayers4istanbul

— Hrithik Roshan (@iHrithik) June 28, 2016

اداکار ہریتھک روشن نے اتاترک ائیرپورٹ اسٹاف کا بھی شکریہ ادا کیا جنہوں نے انہیں اور ان کے بچوں کو اکانومی کلاس کا ٹکٹ جاری کیا جب کہ اداکار نے سانحے پردکھ کا اظہار کرتے ہوئے کہا کہ ہمیں دہشت گردی کے خلاف متحد ہونا چاہیئے۔

Ws helped by d kindest staff at Istanbul arport hours ago. Shocking news. Innocents killed 4 religion.V must stand united against terrorism.

— Hrithik Roshan (@iHrithik) June 29, 2016

واضح رہے کہ گزشتہ روز ترکی کے شہر استنبول میں اتاترک ائیرپورٹ پر خود کش حملے اور فائرنگ کے نتیجے میں 36 افراد ہلاک اور 140 سے زائد زخمی ہوگئے تھے۔