پاکستان نے ڈرون حملے فوری طورپرروکنے کا مطالبہ کردیا

ویب ڈیسک  ہفتہ 2 جولائی 2016
ڈرون طیاروں کااستعمال عالمی عزم کے خلاف ہے، ملیحہ لودھی فوٹو: فائل

ڈرون طیاروں کااستعمال عالمی عزم کے خلاف ہے، ملیحہ لودھی فوٹو: فائل

نیو یارک: اقوام متحدہ میں پاکستان کی مستقل مندوب ملیحہ لودھی کا کہنا ہے کہ ڈرون حملے علاقائی سلامتی اورخودمختاری کے خلاف ہیں اس لئے یہ فوری طور پر بند ہونے چاہئیں۔

اقوام متحدہ کی جنرل اسمبلی سے خطاب کرتے ہوئے پاکستان کی سفیرملیحہ لودھی نے کہا کہ ڈرون کااستعمال علاقائی سلامتی پرمنفی اثرات مرتب کرتا ہے، اس حوالے سے ڈرون حملوں سے متعلق انسانی حقوق کونسل کی رپورٹ کی سفارشات درست قدم تھا، رپورٹ میں ڈرون کےاستعمال سے بنیادی انسانی حقوق کے حوالے سے قانونی سوالات اٹھائے گئے تھے۔

ملیحہ لودھی نے کہا کہ ڈرون حملے علاقائی سلامتی اورخودمختاری کے خلاف سمیت عالمی عزم کو نقصان پہنچاتے ہیں، یہ حملے متاثرین کے بنیادی حقوق کی خلاف ورزی ہیں اورتشدد و انتہا پسندی بڑھاتے ہیں، اس لئے انہیں فوری طور پر بند ہوجانا چاہیے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔