صدر منتخب ہو گیا تو امریکا کو عالمی تجارتی ادارہ سے نکالوں گا، ڈونلڈ ٹرمپ

واشنگٹن:  ریپبلکن کے نامزد صدارتی امیدوار ڈونلڈ ٹرمپ نے کہا کہ اگر وہ صدر منتختب ہوگئے تو امریکا کو عالمی تجارتی  ادارہ سے نکال لیں گے۔

غیر ملکی خبر رساں ادارے کے مطابق اپنے ایک انٹرویو میں ڈونلڈ ٹرمپ کا کہنا تھا کہ جو کمپنیاں بیرون ممالک مینو فیکچرنگ کریں گی جیسا کہ  NAFTA میکسیکو کی پارٹنر بنی ہوئی ہے اس پر سزا کے طورپر 30  فیصد تک  درآمدی ٹیکس عائد کیا جائیگا۔ ان کا کہنا تھا کہ اگر وہ صدر منتختب ہوگئے تو امریکا کو عالمی تجارتی  ادارہ سے نکال لیں گے۔

ایک سوال کے جواب میں ڈونلڈ ٹرمپ کا کہنا تھا کہ اگر امریکا کے عالمی تجارتی ادارے سے نکلنے سے عالمی تنظیم (WTO) متاثر ہو گی تو اس کی کوئی پروا نہیں،  WTO  تباہ کن ہے ہم اس سے دوبارہ مذاکرات کریں گے یا اس تنظیم سے باہر نکل آئیں گے۔

ڈونلڈ ٹرمپ اس سے پہلے نیٹو کے ساتھ امریکا کے تعلقات اور نارتھ امریکن فری ٹریڈ ایگریمنٹ کو ختم کرنے کے بارے میں بھی اسی طرح کے کمینٹس دے چکے ہیں۔