سربراہ پاک فوج کی مصری صدر سے ملاقات، ابھرتے ہوئے چیلنجز پر تبادلہ خیال

قاہرہ: سربراہ پاک فوج جنرل راحیل شریف نے مصری صدر عبدالفتح السیسی سے ملاقات کی جس میں علاقائی سیکیورٹی صورتحال اور ابھرتے ہوئے سیکیورٹی چیلنجز پر تبادلہ خیال کیا گیا۔

پاک فوج کے شعبہ تعلقات عامہ (آئی ایس پی آر) کے مطابق سربراہ پاک فوج جنرل راحیل شریف ان دنوں دورہ مصر کے موقع پر قاہرہ میں موجود ہیں جہاں انہوں نے مصری صدر عبدالفتح السیسی سے ملاقات کی۔ اس موقع پر مصری صدر نے دہشت گردی کے خلاف جنگ میں پاک آرمی کی کامیابیوں اور خطے میں استحکام کے لئے پاکستان کی کوششوں کو سراہا۔

#COAS met with Egyptian President.Regional security situation and prevalent/emerging security challenges discussed-1 pic.twitter.com/DlnOv65VzS

— Gen Asim Bajwa (@AsimBajwaISPR) July 26, 2016

ملاقات میں جنرل راحیل شریف اور عبدالفتح سیسی کے درمیان علاقائی سیکیورٹی صورتحال اور نئے ابھرتے ہوئے سیکیورٹی چیلنجز پر بھی تبادلہ خیال کیا گیا جب کہ سربراہ پاک فوج نے دہشت گردی کی لعنت کے خلاف مسلم امہ اورعالمی قوتوں کے اتحاد پر زور بھی دیا۔

…#COAS emphasised the need to harness Muslim youth towards enlightenment,technological advancement,moderation&harmony-5

— Gen Asim Bajwa (@AsimBajwaISPR) July 26, 2016

آئی ایس پی آر کے مطابق جنرل راحیل شریف نے بعدازاں جامعہ الازہر کے سربراہ سے بھی ملاقات کی جنہوں نے دہشت گردی کے خاتمے کے لئے پاکستان کی کوششوں کو سراہا۔ اس موقع پر آرمی چیف نے روشن خیالی ، تکنیکی ترقی ، اعتدال اور ہم آہنگی کی جانب مسلم نوجوانوں کو استعمال کرنے کی ضرورت پر زور دیا۔