- کلین سوئپ شکست؛ ویمنز ٹیم کی سلیکشن کمیٹی میں بڑی تبدیلیاں
- قومی اسمبلی کمیٹیاں؛ حکومت اور اپوزیشن میں پاور شیئرنگ کا فریم ورک تیار
- ٹرین میں تاریں کاٹ کر تانبہ چوری کرنے والا شخص پکڑا گیا
- غزہ کے اسپتالوں میں اجتماعی قبریں، امریکا نے اسرائیل سے جواب طلب کرلیا
- وزارتِ صنعت و پیداوار نے یوریا کھاد درآمد کرنے کی سفارش کردی
- ٹی20 ورلڈکپ؛ 8 بار کے اولمپک گولڈ میڈلسٹ یوسین بولٹ سفیر نامزد
- کہوٹہ؛ بس میں ڈکیتی کے دوران ڈاکو کی فائرنگ سے سرکاری اہلکار جاں بحق
- نوجوان نسل قوم کا سرمایہ
- اسلام آباد میں روٹی کی قیمت میں کمی کا نوٹیفکیشن معطل
- کیا رضوان آئرلینڈ کیخلاف سیریز میں اسکواڈ کا حصہ ہوں گے؟ بابر نے بتادیا
- ویمنز کوالیفائر؛ آئی سی سی نے ثنامیر کو ’’برانڈ ایمبیسڈر‘‘ مقرر کردیا
- پی او بی ٹرسٹ عالمی سطح پر ساڑھے 3لاکھ افراد کی بینائی ضائع ہونے سے بچا چکا ہے
- ایف بی آر نے ایک آئی ٹی کمپنی کی ٹیکس ہیرا پھیری کا سراغ لگا لیا
- سیاسی نظریات کی نشان دہی کرنے والا اے آئی الگوردم
- خاتون ڈاکٹرز سے علاج کرانے والی خواتین میں موت کا خطرہ کم ہوتا ہے، تحقیق
- برطانیہ میں ایک فلیٹ اپنے انوکھے ڈیزائن کی وجہ سے وائرل
- فیصل واوڈا نے عدالتی نظام پر اہم سوالات اٹھا دیئے
- پاکستان کو آئی ایم ایف سے قرض کی نئی قسط 29 اپریل تک ملنے کا امکان
- امریکی اکیڈمی آف نیورولوجی نے پاکستانی پروفیسر کو ایڈووکیٹ آف دی ایئر ایوارڈ سے نواز دیا
- کوہلو میں خراب سیکیورٹی کے باعث ری پولنگ نہیں ہوسکی
سرفہرست25معیشتوں میں شمولیت کے لیے ادارے مربوط کوششیں کریں، احسن اقبال
کراچی: وفاقی وزیرمنصوبہ بندی، ترقی و اصلاحات پروفیسر احسن اقبال نے کہا ہے کہ کراچی میں امن وامان کی صورتحال بہتر ہوچکی ہے، توانائی بحران پر بھی بڑی حد تک قابو پایا جاچکا ہے۔
یہ بات انہوں نے بدھ کو پاکستان اسٹاک ایکس چینج میں روایتی گھنٹی بجانے کی تقریب کے بعد صحافیوں سے بات چیت میںکہی۔ احسن اقبال نے کہا کہ پاکستان اسٹاک ایکس چینج عالمی سرمایہ کاروں کی توجہ کا مرکز بن چکی ہے، یہ ان شعبوں میں سے ہے جوعالمی سطح پر پاکستان کا روشن چہرہ پیش کررہے ہیں۔ ایک سوال پرانھوں نے کہا کہ مشرف دور حکومت میں توانائی بحران کو حل کرنے کے لیے کچھ نہیں کیا گیا لیکن اب 25 ارب ڈالرکے توانائی منصوبوں پر سرگرمی کے ساتھ کام ہو رہا ہے، سال2018-19 میں تھر کوئلے سے بجلی کی پیداواری سرگرمیوں کا آغاز ہو جائے گا۔
انہوں نے کہا کہ چین پاکستان اقتصادی راہداری کا منصوبہ بھی حکومت کا کارنامہ ہے اور یہ سرگرمیاں صرف اس حکومت تک محدود نہیں بلکہ آنے والی حکومتوں میں بھی سی پیک منصوبہ جاری وساری رہے گا۔ علاوہ ازیں وفاقی وزیرمنصوبہ بندی، ترقی و اصلاحات پروفیسر احسن اقبال نے گورنر اسٹیٹ بینک اشرف محمود وتھرا کے ساتھ پلاننگ کمیشن اور اسٹیٹ بینک کی سینئر انتظامیہ کے اجلاس کی بھی صدارت کی۔
اس موقع پر احسن اقبال نے کہاکہ 2025 تک پاکستان کو دنیا کی 25 سرفہرست معیشتوں میں شامل کرنے کے لیے ملک کے تمام اداروں کو محنت کرنی چاہیے، اس مقصد کے لیے ان اداروںکی مربوط و منظم کوششیں درکار ہیں جو ملک کے معاشی انتظام کو سنبھالتے ہیں، ہم مشترکہ بصیرت کے فقدان کی وجہ سے صنعت، برآمدات، زراعت اور انسانی وسائل سمیت بیشتر شعبوں میں اپنی حقیقی صلاحیتیں بروئے کار نہیں لاسکے، اب پاکستان ترقی کے راستے پر گامزن ہونے کے لیے پوری طرح تیار ہے اور ضروری ہے کہ مستقبل کے چیلنجز اور مواقع کو سمجھنے کیلیے تمام متعلقہ ادارے ٹیم کے طور پر کام کریں۔
اسٹیٹ بینک کے کردار کی تعریف کرتے ہوئے انہوں نے کہا کہ اسٹیٹ بینک پاکستان کے کامیاب اور ملک کے معاشی انتظام میں شامل اہم اداروں میں شامل ہے، اسٹیٹ بینک کے پاس تجربے اور علم کی دولت موجود ہے اور منصوبہ بندی کمیشن ملکی معیشت کے مستقبل کی خاطر مشترکہ تفہیم اور علم کے لیے اسٹیٹ بینک کے ساتھ مل کر کام کرنے کا ارادہ رکھتا ہے۔ وفاقی وزیرمنصوبہ بندی احسن اقبال کا خیرمقدم کرتے ہوئے گورنر اسٹیٹ بینک اشرف محمود وتھرا نے کہا کہ اسٹیٹ بینک ملک کے معاشی چیلنجز سے نمٹنے کے لیے ہمہ وقت تیار رہتا ہے، مختلف معاشی مسائل کے حوالے سے متنوع موضوعات پر مہارت و علم کے تبادلے کے لیے اسٹیٹ بینک اور پلاننگ کمیشن کی شراکت کا اقدام صحیح سمت میں قدم ہے۔
انہوں نے احسن اقبال کو یقین دلایا کہ اسٹیٹ بینک ملک کی معاشی ترقی کے لیے روڈمیپ تیار کرنے میں منصوبہ بندی کمیشن سے مل کر کام کرے گا۔ بعد ازاں اسٹیٹ بینک کے سینئر عہدیداروں نے مہنگائی کو ٹارگٹ کرنے کا لچکدار نظام اختیار کرنے، ملکی برآمدات کو بڑھانے میں حائل دشواریوں اور اس کیلیے ممکنہ حکمت عملیوں اور زرعی شعبے کی کارکردگی بہتر بنانے کے حوالے سے اقدامات پر تفصیلی پریزینٹیشن دی۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔